Almatyda Ekologtar künı men Düniejüzılık qorşaǧan ortany qorǧau künıne orai ūiymdastyrylǧan ıs-şaralar aiasynda jalpyqalalyq ekologiialyq senbılık öttı. Būl turaly qalalyq Ekologiia jäne qorşaǧan orta basqarmasynyŋ ökılderı aitty.
Ekologiialyq aksiia qalanyŋ sanitarlyq jaǧdaiyn jaqsartu, qoǧamdyq keŋıstıkterdı körıktendıru jäne tūrǧyndardyŋ ekologiialyq mädenietın arttyru maqsatynda ūiymdastyryldy.
Senbılık Almatynyŋ barlyq segız audanyndaǧy 12 aumaqta öttı. Tazalyq jūmystaryna qala tūrǧyndary, memlekettık organdardyŋ, kommunaldyq qyzmetterdıŋ, qoǧamdyq ūiymdardyŋ ökılderı, erıktıler men ekologiialyq belsendılerdı qosa alǧanda 7 100-den astam adam qatysty. Is-şaralardy ötkızu üşın 153 bırlık arnaiy tehnika jūmyldyryldy.
Aksiia qorytyndysy boiynşa 1 139 tekşe metr qoqys pen qaldyq jinalyp, şyǧaryldy.
Tazalyq jūmystary Ülken Almaty, Qarǧaly, Kışı Almaty, Jarbūlaq, Aqsai jäne Qarasu özenderınıŋ aumaqtarynda, sondai-aq «Oŋtüstık» saiabaǧynda, «Aiusai» vizit ortalyǧynda, alǧaşqy qalalyq ekohabta, Green Recycle jäne Technic Destroy käsıporyndarynyŋ aumaqtarynda jäne basqa da qoǧamdyq keŋıstıkter men ekologiialyq nysandarda jürgızıldı.
Almaty qalasynyŋ Ekologiia jäne qorşaǧan orta basqarmasy ökılderınıŋ mälımetınşe, mūndai ıs-şaralar qorşaǧan ortaǧa jauapkerşılıkpen qarau mädenietın qalyptastyruǧa, ekologiialyq sanany damytuǧa jäne tūrǧyndardy qalanyŋ tazalyǧyn saqtauǧa belsendı tartuǧa yqpal etedı.
