Almatyda «Rubej» beketterı 1,5 myŋǧa juyq qūqyq būzuşylyqty anyqtady
Almaty qalasynyŋ negızgı kıreberısterınde ornatylǧan «Rubej» beketterınıŋ jūmysy jalǧasuda. Jaŋartylǧan format ıske qosylǧaly berı şamamen 1,5 myŋ qūqyq būzuşylyq anyqtalǧan. Olardyŋ qatarynda tyiym salynǧan zattardy tasymaldau jäne jol qozǧalysy erejelerın būzu faktılerı bar, dep habarlaidy “Adyrna” ūlttyq portaly Polisia.kz-ke sıltep.
Osy uaqyt ışınde kölık qūraldarynyŋ uyttylyq jäne tütın şyǧaru normalaryn asyrudyŋ 500-ge juyq deregı tırkelgen. Sonymen qatar, 88 jürgızuşı kölık qūralyn qūjatsyz basqarǧany üşın jauapqa tartylsa, 125 kölık tehnikalyq baiqaudan ötpei paidalanylǧany anyqtalǧan. Taǧy 61 jürgızuşı saqtandyru polisınıŋ bolmauyna bailanysty jauapkerşılıkke tartylyp, 122 adam qauıpsızdık beldıgın taqpaǧany üşın jazalanǧan. Sondai-aq memlekettık tırkeu nömırınsız jürgen 7 kölık anyqtaldy.
Tekseru barysynda barlyǧy 111 tyiym salynǧan zat tärkılendı. Onyŋ ışınde 109 suyq qaru jäne 2 atys qaruy bolǧan.
Almaty qalasy polisiiasy äkımşılık polisiia basqarmasynyŋ bastyǧy Äbdinūr Tasybaev «Rubej» beketterı qalaǧa kıretın joldardaǧy keşendı qauıpsızdık süzgısı qyzmetın atqaratynyn aitty.
Onyŋ sözınşe, būl jüie kölıkterdıŋ tehnikalyq aqaularyn, zaŋnamany öreskel būzu faktılerın jäne tyiym salynǧan zattardy tasymaldau jaǧdailaryn bır mezette anyqtauǧa mümkındık beredı. Būl öz kezegınde qoǧamdyq qauıpsızdık deŋgeiın arttyruǧa yqpal etedı.
Polisiia ökılderı «Rubej» beketterınıŋ jūmysy tūraqty negızde jalǧasatynyn jäne profilaktikalyq şaralar odan ärı küşeitıletının mälımdedı.
