“Adyrna” ūlttyq portaly YouTube arnasynyŋ kezektı qonaǧy – qazaq tılınıŋ janaşyry, qoǧam belsendısı Vavilin Viacheslav Dmitriiūly. Sūhbat barysynda ol qazaq tılın qalai meŋgergenı, qandastar mäselesıne ne sebeptı erekşe köŋıl böletını jäne eldegı köşı-qon saiasatynyŋ özektı tüitkılderı turaly oi bölıstı.
Baǧdarlamada qandastardyŋ Qazaqstanǧa beiımdeluı, olardyŋ bılım alu men qūjat räsımdeu kezındegı qiyndyqtary, äsırese qazaq mektebınde oqymaǧan qandastar üşın test tapsyru mäselesı söz bolady. Sondai-aq qonaq el Prezidentterı aldynda söilegen sözderı, özıne erekşe äser etken oqiǧalar jäne qazaq tılınıŋ bügıngı jaǧdaiy turaly pıkırın ortaǧa salady.
Sūhbat barysynda qazaq tılınde kıtap oqu mädenietı, qazaqşa bılmeitın qazaqtarǧa qatysty közqarasy, ūlttyq qūndylyqtardy därıpteu jolyndaǧy bastamalary men qazaq tılın kündelıktı ömırde qoldanudyŋ maŋyzy talqylanady. Būdan bölek, qandastardyŋ el damuyna qosyp jatqan ülesı, Qazaqstannyŋ bolaşaǧyna qatysty paiymy jäne qazaq tılıne degen erekşe yqylasy söz bolady.
Baǧdarlamanyŋ soŋynda Viacheslav Dmitriiūly özınıŋ şyǧarmaşylyǧy turaly aityp, orys ūltynyŋ ökılı bola tūra qazaq tılınde öleŋ jazuynyŋ syrymen bölısedı.
