Foto: sxodim.com
Almaty SuperSki jobasy zaŋnamada qarastyrylǧan barlyq kelısu räsımderınen ötıp, qajettı rūqsattardy tolyq aldy. Būl turaly Ükımettegı brifingte Turizm jäne sport ministrı Erbol Myrzabosynov mälımdedı, dep habarlaidy “Adyrna”.
«Almaty SuperSki jobasy ekologiialyq saraptamany, ǧylymi taldaudy jäne qoǧamdyq tyŋdaulardy qosa alǧanda, zaŋda qarastyrylǧan barlyq kelısu räsımderınen öttı. Qorşaǧan ortaǧa, topyraqqa, suǧa, ösımdıkter men januarlar düniesıne, sondai-aq adamdardyŋ densaulyǧyna yqtimal äserlerı zertteldı. Bügıngı taŋda barlyq qajettı rūqsattar alyndy dep oilaimyn. Sondyqtan qazır basty nazar jobany uaqtyly ıske asyruǧa audarylyp otyr», – dedı Myrzabosynov.
Öz kezegınde Kazakh Tourism Development kompaniiasynyŋ bas atqaruşy direktory Erjan Erkınbaev Kökjailau jobasynyŋ kommersiialyq bölıgı tek jeke investisiialar esebınen salynatynyn aitty.
«Qonaqüilerdı, ornalastyru oryndaryn, turistık jäne kommersiialyq infraqūrylymdy biudjet qarajatyna salu dūrys emes», – dep esepteidı ol.
Al injenerlık jelıler, sumen jabdyqtau jüielerı, aspaly joldar men şaŋǧy trassalaryna kelsek, onyŋ aituynşa, būlardyŋ barlyǧy älemnıŋ kez kelgen elınde memleket qarjysy esebınen salynatyn infraqūrylymdyq jobalar. Onyŋ sözınşe, qazırgı uaqytta jobany damytu jūmystary «Bäiterek» jüiesınıŋ öz qarajaty esebınen jürgızılude, al memlekettık biudjetten būl jobaǧa qarajat bölınbegen.
«Bızdıŋ boljamdarymyz körsetkendei, būl joba infraqūrylymdyq sipatqa ie bolǧanyna qaramastan, temırjoldar, avtomobil joldary nemese köpırler siiaqty ūzaq merzımdı ötelımdı qajet etetın nysandardan erekşelenıp, salynǧan investisiialardy jetkılıktı türde tez qaitarady. Kökjailau nemese Almaty SuperSki infraqūrylymdyq joba bola tūra, özın-özı aqtau merzımı jaǧynan tiımdı», – dep atap öttı Erkınbaev.
Ol jürgızılgen esepteulerge süiene otyryp, eger kurortqa bır million şeteldık turist kelıp, olar Almatyda nemese Qazaqstanda kem degende üş kün ötkızse, onda el ekonomikasyna jyl saiynǧy tıkelei kırıs kölemı 1 milliard AQŞ dollaryn qūraitynyn aitty.
