Jurnalister sot ükımı şyqqan atalǧan blogerlerdıŋ raqymşylyqqa ılınuı mümkın be degen sūraq qoiǧan.
Vise-ministr būl mäselege naqty jauap berıp, olardyŋ raqymşylyq sanatyna jatpaitynyn aitty.
«Janäbılovtar boiynşa jauap bırjaqty: joq. Olar raqymşylyqqa jatpaidy. Olarǧa qatysty qylmystyq jauapkerşılıkten bosatu türındegı de, jazany qysqartu türındegı de raqymşylyq qoldanylmaidy. Atalǧan bap boiynşa olarǧa raqymşylyq tıkelei qoldanylmaidy», – dedı Sanjar Ädılov.
Eske salaiyq, 2026 jylǧy 27 säuırde Astana qalasynda blogerler Erbolat Janäbılov pen Elmira Tölegenovaǧa qatysty sot ükımı şyqqan bolatyn.
Sot şeşımımen Erbolat Janäbılov Qylmystyq kodekstıŋ 214-baby 2-bölıgı 2-tarmaǧy («Zaŋsyz käsıpkerlık») jäne 218-baby 2-bölıgı 1-tarmaǧy («Qylmystyq jolmen alynǧan aqşany nemese özge mülıktı zaŋdastyru») boiynşa kınälı dep tanylyp, 2 jylǧa bas bostandyǧynan aiyru jazasy taǧaiyndalǧan. Alaida sot Qylmystyq kodekstıŋ 63-baby 1-bölıgıne säikes jazany şartty dep tanyp, probasiialyq baqylau belgıledı.
Al Elmira Tölegenova da osy baptar boiynşa kınälı dep tanylyp, 2 jylǧa bas bostandyǧynan aiyru jazasyna kesılgen. Sot şeşımımen jazany öteu merzımı 2 jylǧa keiınge qaldyrylyp, mülkı tärkılengen.
