Almatydaǧy Raiymbek daŋǧylynyŋ boiynan küdık tudyrǧan er adam ūstaldy. Onyŋ janynan pyşaq pen granataǧa ūqsas zat tabylǧan. Būl turaly Almaty polisiia departamentı 14 mausym künı mälımdedı, dep habarlaidy "Adyrna".
Mälımetke säikes, polisiia qyzmetkerlerı kümändı äreketımen közge tüsken er adamdy toqtatyp, teksergen.
"Tekseru barysynda onyŋ barsetkasynyŋ ışınen pyşaq pen syrtqy türı granataǧa ūqsas zat tabyldy. Oqiǧa ornyna jedel-tergeu toby men saper mamandar şaqyryldy. Tekseru nätijesınde tärkılengen zattyŋ oqu-jattyǧu granatasy ekenı jäne eşqandai qauıp töndırmeitını anyqtaldy", – dep habarlady polisiia.
Ūstalǧan azamattyŋ aituynşa, ol būl zattardy būryn tauyp alǧan, al pyşaqty tūrmystyq qajettılık üşın özımen bırge alyp jürgen. Atalǧan mälımetterdıŋ ras ne ötırıgı tekserılıp jatyr.
Sondai-aq er adamnyŋ būǧan deiın qylmystyq jauapkerşılıkke tartylǧany anyqtaldy.
"Almaty polisiiasy azamattardy özderımen bırge qauıp töndıruı mümkın zattardy alyp jürmeuge jäne qaru-jaraqqa nemese oq-därıge ūqsas kümändı zattardy tapqan jaǧdaida bırden 102 nömırıne habarlauǧa şaqyrady", – delıngen habarlamada.
