Almaty qalasynyŋ Almaly audandyq soty QazTAG agenttıgınıŋ bas redaktory Ämır Qasenovtıŋ üiqamaqtan bosatylǧany turaly aqparatty joqqa şyǧardy, dep habarlaidy «Adyrna» tılşısı.
Sottyŋ baspasöz qyzmetınıŋ mälımetınşe, būqaralyq aqparat qūraldary men äleumettık jelılerde Qasenovke qatysty būltartpau şarasynyŋ merzımı aiaqtalǧany jönınde taraǧan aqparat şyndyqqa säikes kelmeidı.
«Qazaqstan Respublikasy Qylmystyq-prosestık kodeksınıŋ 319-babyna säikes qylmystyq ıs sotqa kelıp tüsken kezde sudia būltartpau şarasy mäselesın qaraidy. Osy ıs boiynşa sot 5 mausym künı būryn taŋdalǧan üiqamaq türındegı būltartpau şarasyn özgerıssız qaldyru turaly şeşım qabyldady», – delıngen habarlamada.
Osyǧan bailanysty sot Qasenovtıŋ būltartpau şarasynyŋ merzımı aiaqtaldy degen mälımdemelerı sot aktısınıŋ mazmūnyna qaişy keletının atap öttı.
Sondai-aq sot qaulylary proseske qatysuşylar men olardyŋ qorǧauşylaryna qoljetımdı «Sot kabinetı» aqparattyq jüiesınde ornalastyrylatyny eskertıldı. Zaŋǧa säikes, taraptar sot aktılerımen belgılengen tärtıp boiynşa tanysa alady. Odan bölek, sottyŋ baspasöz qyzmetı jüktelgen şekteuler men mındetter būzylǧan jaǧdaida sot būltartpau şarasyn qataŋdatuǧa qūqyly ekenın de mälımdedı.
