Bügın oblys äkımı Mūrat Ergeşbaevtyŋ qatysuymen «Äke tärbiesı – ūlttyŋ ruhani dıŋgegı» atty oblystyq äkeler forumy öttı. Oǧan «Äkeler odaǧy» respublikalyq qoǧamdyq bırlestıgı töraǧasynyŋ orynbasary Bekdaiyr Küzembai, mäslihat deputattary, ziialy qauym ökılderı, audandardan kelgen, türlı salada tabysqa jetıp, käsıbı men eŋbegı arqyly elge ülgı bolyp jürgen azamattar qatysty.
Biyl äkeler forumy törtınşı märte ūiymdastyryluda. Būl – ūlttyq qūndylyqtardy därıptep, er azamattyŋ otbasy men qoǧamdaǧy märtebesın arttyruǧa baǧyttalǧan maŋyzdy alaŋ.
«Prezidentımız Qasym-Jomart Kemelūly: «Äke jauapkerşılıgı – otbasynyŋ berıktıgı men ūrpaq tärbiesınıŋ negızı. Bızdıŋ qoǧamda äkenıŋ rölın arttyru, onyŋ otbasyndaǧy bedelın nyǧaitu – öte maŋyzdy mındet» degen bolatyn.
Ūlttyŋ sapasy, bolaşaq ūrpaqtyŋ azamattyq bolmysy äkenıŋ bergen tärbiesıne tıkelei bailanysty. Jaŋa Konstitusiiamyzda «Neke men otbasy, ana men äke jäne bala memlekettıŋ qorǧauynda bolady» dep naqty körsetılgen. Būl otbasy qūndylyqtary memlekettık saiasattyŋ negızgı özegıne ainalǧanyn aiqyn däleldeidı. Äke – tek otbasyn asyrauşy emes, balany jauapkerşılıkke, eŋbekqorlyqqa jäne Otanǧa degen süiıspenşılıkke baulityn alǧaşqy mektep.
Balanyŋ bolaşaǧyna äser etetın eŋ quatty küş – otbasyndaǧy tärbie, äkenıŋ önegesı. Sondyqtan, «Adal adam», «Zaŋ men tärtıp», «Taza Qazaqstan» sekıldı memlekettık bastamalardy qoǧamda ornyqtyru eŋ aldymen otbasynan bastaluy tiıs. Barşaŋyzdy el müddesıne adal qyzmet etuge jäne ūrpaq tärbiesıne zor jauapkerşılıkpen qarauǧa şaqyramyn», – dedı Mūrat Nälqojaūly.
Is-şarada otbasy qūndylyqtaryn nasihattap, öskeleŋ ūrpaq tärbiesıne eleulı üles qosyp jürgen äkeler oblys äkımınıŋ Alǧys hatymen jäne baǧaly syilyqtarmen marapattaldy. «Äkeler odaǧy» respublikalyq qoǧamdyq bırlestıgı töraǧasynyŋ orynbasary Bekdaiyr Nyǧmetūly, ışkı ıster organdarynyŋ ardagerı Ämırbek Berdıbekūly, jas aqyn, respublikalyq Ǧani Mūratbaev atyndaǧy jastar syilyǧynyŋ iegerı Aqjol Ǧabitūly, önegelı äke Däulet Amangeldıūly, «Baqytty äiel» jobasynyŋ spikerı Nūrsäule Düisembaiqyzy taqyryp aiasynda mazmūndy baiandama jasady. «Qazaqstan dauysy – 2023» jobasynyŋ finalisı Nūrislam Tıleuhan äsem än oryndap, oǧan qoǧamdyq bırlestık atynan smart-teledidar syiǧa berıldı.
Forumda «Qyzylorda» supermarketınıŋ jūmysşysy Kamalov Jandos Qūdaibergenūlyna üş bölmelı päterdıŋ kıltı tabystaldy. Jandos Qūdaibergenūly – mümkındıgı şekteulı jūbaiyna jäne ekı balasyna qamqor bolyp otyrǧan ardaqty äke.
