Türkiiadan Qazaqstanǧa alaiaqtyq jasady degen küdıkke ılınıp, halyqaralyq ızdeude jürgen er adam deportasiialandy, dep habarlaidy "Adyrna" ūlttyq portaly.
Qūqyq qorǧau organdarynyŋ mälımetınşe, küdıktı Qazaqstan IIM Ūlttyq ortalyq biurosynyŋ İnterpol arqyly joldaǧan sūrauy negızınde Türkiianyŋ Samsun qalasynda ūstalǧan. Ony elge qaitaru jūmystary Qazaqstan IIM-nıŋ Türkiiadaǧy ökıldıgı men Qazaqstan Elşılıgınıŋ qoldauymen jüzege asyrylǧan. Tergeu nūsqasyna säikes, küdıktı 2024 jyldyŋ qyrküiegı men jeltoqsany aralyǧynda Instagram äleumettık jelısındegı akkaunt pen aqparattyq jüielerdı paidalanyp, Atyrau qalasynyŋ ekı tūrǧynyn aldap, olardyŋ aqşasyn iemdengen. Keltırılgen jalpy materialdyq şyǧyn kölemı 3 million teŋgeden asady.
Qazır küdıktı Qazaqstanǧa jetkızılıp, oǧan qatysty tergeu amaldary jalǧasyp jatyr. Sondai-aq onyŋ osyǧan ūqsas özge de qylmystarǧa qatysy bar-joǧy tekserılude.
