Ūlytau oblysynda otandyq öndırıstı qoldauǧa jäne jergılıktı käsıpkerlerdıŋ äleuetın tanytuǧa baǧyttalǧan «Qazaqstannyŋ üzdık tauary» öŋırlık körme-baiqauy ūiymdastyryldy. Auqymdy şaraǧa öŋırdıŋ 80-ge juyq käsıpkerı qatysyp, öz önımderın köpşılık nazaryna ūsyndy.
Körmede nan jäne konditerlık önımder, et jäne süt önımderı, jartylai fabrikattar, toqyma būiymdary, bylǧary, kiız jäne kümısten jasalǧan qolöner tuyndylary, ūlttyq kiımder men halyq tūtynatyn türlı tauarlar qoiyldy.
Is-şara Ūlytau oblysy äkımdıgı men «Atameken» Ūlttyq käsıpkerler palatasynyŋ Ūlytau oblystyq filialynyŋ ūiymdastyruymen öttı.
Körmenı aralaǧan oblys äkımı Dastan Ryspekov öŋırde käsıpkerlıktı damytuǧa erekşe köŋıl bölınıp otyrǧanyn atap öttı.
Baiqau qorytyndysy boiynşa öŋırdıŋ 9 käsıpkerlık subektısı arnaiy nominasiialar boiynşa jeŋımpaz atanyp, marapattar men arnaiy syilyqtarǧa ie boldy.
Aldaǧy 2026 jylǧy 21 şıldede jartylai finalister öŋırlık brend-komitet aldynda öz biznes-ideialaryn qorǧaidy. Irıkteu nätijesınde üzdık 10 joba anyqtalyp, olar Ūlytau oblysynyŋ atynan respublikalyq deŋgeidegı körme-järmeŋkege qatysady. Sonymen qatar finalister käsıpterın damytuǧa arnalǧan 5 million teŋge kölemındegı grantqa ümıtker bolu mümkındıgıne ie bolady.
Atalǧan baiqau jergılıktı öndırıstı damytuǧa, öŋırlık brendterdı qalyptastyruǧa jäne käsıpkerlerdıŋ jaŋa naryqtarǧa şyǧuyna jol aşatyn maŋyzdy alaŋ bolyp tabylady.
