Soltüstıktegı Bırlık auylynda 22 jastaǧy tūrǧynnyŋ 67 jastaǧy äkesıne küş qoldanǧany turaly derek tırkeldı, dep habarlaidy "Adyrna" tılşısı.
Jetı arnanyŋ aqparatyna säikes, oqiǧa kezınde mas küide bolǧan jıgıt öz äreketın ūialy telefonǧa tüsırıp, keiın beinejazba äleumettık jelılerde taraǧan. Polisiia qyzmetkerlerı oqiǧaǧa qatysy bar azamattardy anyqtap, tekseru jūmystaryn jürgızdı.
Polisiia departamentınıŋ mälımetınşe, egde jastaǧy er adam ūlyna qatysty eşqandai şaǧymy joq ekenın mälımdegen. Sondai-aq onyŋ denesınen közge körınetın jaraqat belgılerı anyqtalmaǧan jäne sot-medisinalyq saraptamadan ötuden bas tartqan.
Osyǧan bailanysty qūqyq qorǧau organdary küdıktını tūrmystyq zorlyq-zombylyq faktısı boiynşa jauapqa tarta almady. Degenmen, onyŋ äreketterınen qoǧamdyq tärtıptı būzu belgılerı anyqtalyp, balaǧat sözder aityp, būzaqylyq jasaǧany üşın äkımşılık jauapkerşılıkke tartyldy.
Sot şeşımımen qūqyq būzuşy bes täulıkke äkımşılık qamauǧa alyndy. Būdan bölek, ol ışkı ıster organdarynyŋ profilaktikalyq esebıne qoiylyp, qorǧau nūsqamasy şyǧaryldy. Qūqyq qorǧau organdarynyŋ mälımetınşe, nūsqama talaptaryn būzǧan jaǧdaida azamatqa qatysty qosymşa şaralar qoldanylyp, qaita qamauǧa alu mümkındıgı qarastyrylady.
