Biyl Qazaqstanǧa memleketten zaŋsyz şyǧarylǧan 40 milliard teŋgenıŋ aktivı qaitaryldy, dep habarlaidy "Adyrna" ūlttyq portaly.
Būl turaly Bas prokuror Berık Asylov vedomstvonyŋ bırınşı jartyjyldyqtaǧy jūmys qorytyndysyna arnalǧan alqanyŋ keŋeitılgen otyrysynda mälımdedı.
Bas prokuraturanyŋ mälımetınşe, qaitarylǧan aktivterdıŋ 37,7 milliard teŋgesı aqşalai qarajat bolsa, 2,3 milliard teŋgesı mülık türınde memleket menşıgıne ötken.
Jiynda Berık Asylov zaŋsyz şyǧarylǧan aktivterdı qaitaru jäne olardy el ekonomikasynyŋ zaŋdy ainalymyna tartu baǧytyndaǧy jūmystarǧa erekşe toqtaldy.
Sonymen qatar Arnauly memlekettık qor qarajaty esebınen 39 äleumettık nysan paidalanuǧa berılgenı aityldy. Olardyŋ qatarynda Aqtau qalasyndaǧy jedel medisinalyq järdem stansiiasy, Şymkent qalasyndaǧy studentter jataqhanasy, Astanadaǧy Qajymūqan Mūŋaitpasov atyndaǧy futbol stadiony jäne Balqaş qalasy äuejaiyn rekonstruksiialau jobasy bar.
