25 mausym künı «Taza Qazaqstan» respublikalyq ekologiialyq aksiiasy aiasynda Qyzylorda qalasyndaǧy «Syr süleilerı» alleiasynda «Taza qala – ortaq jauapkerşılık» atty tazalyq şarasy ūiymdastyryldy.
Aksiianyŋ negızgı maqsaty – qorşaǧan ortanyŋ tazalyǧyn saqtau, ekologiialyq mädeniettı qalyptastyru jäne tūrǧyndardyŋ tabiǧatqa degen jauapkerşılıgın arttyru.
Şaraǧa «Jasyl el» eŋbek jasaqtarynyŋ sarbazdary jäne belsendı jastar qatysyp, alleia aumaǧyn qoqystan tazartu, jasyl jelekterdıŋ maŋyn retke keltıru, sondai-aq alleia boiynda ornalasqan eskertkışter men müsınderdı sürtıp, kütıp-baptau jūmystaryn jürgızdı.
Şaranyŋ arnaiy qonaǧy ärı spikerı – üş dürkın «Altyn dombyra» iegerı, belgılı aitysker aqyn Mūhtar Niiazov boldy.
Kezdesu barysynda aqyn jastarmen erkın pıkır almasyp, «Syr süleilerı» alleiasynyŋ aşylu tarihy men onyŋ ruhani-mädeni maŋyzyna toqtaldy.
Sondai-aq ol Syr öŋırınen şyqqan jyraular men şaiyrlardyŋ qazaq ädebietı men önerındegı orny turaly aityp, jastardy ūlttyq qūndylyqtardy qūrmetteuge jäne tarihi-mädeni mūralardy közdıŋ qaraşyǧyndai saqtauǧa şaqyrdy.
Aksiia aiasynda qatysuşylar ekologiialyq mädeniettıŋ maŋyzy turaly pıkır almasyp, qoǧamda tazalyq pen tärtıptı saqtaudyŋ ortaq mındet ekendıgın körsettı. Jastar qorşaǧan ortany qorǧauǧa baǧyttalǧan bastamalarǧa belsendı qatysyp, tuǧan qalanyŋ körkeiuıne öz ülesterın qosty.
Mūndai şaralar tūrǧyndardyŋ ekologiialyq sauattylyǧyn arttyryp qana qoimai, qoǧamda tabiǧatqa janaşyrlyq pen jauapkerşılık mädenietın qalyptastyruǧa yqpal etedı.
«Taza Qazaqstan» aksiiasy aiasyndaǧy igı bastamalar aldaǧy uaqytta da öz jalǧasyn tabady.
