Qostanai oblysynyŋ qūtqaruşylary sudaǧy qauıpsızdık erejelerın saqtau qajettıgın eske salu maqsatynda qalalyq jaǧajaida installiasiia ornatty, dep habarlaidy "Adyrna" ūlttyq portaly.
Tötenşe jaǧdailar departamentınıŋ mälımetınşe, aksiia aiasynda jaǧajaiǧa öŋırdegı su aidyndarynda qaza tapqan adamdardyŋ jasy jazylǧan qūtqaru keudeşelerınıŋ maketterı qoiylǧan. Bastamanyŋ negızgı maqsaty – demaluşylardyŋ nazaryn sudaǧy qauıpsızdıkke audaryp, qaiǧyly oqiǧalardyŋ aldyn alu.
Ūiymdastyruşylardyŋ aituynşa, installiasiiadaǧy ärbır keudeşede suǧa ketken adamnyŋ jasy körsetılgen. Osy arqyly qūtqaru keudeşesınıŋ adam ömırın saqtap qaludaǧy maŋyzyn eske salu közdelgen.
Vedomstvonyŋ habarlauynşa, körsetılgen qaiǧyly oqiǧalardyŋ basym bölıgı şomyluǧa rūqsat etılmegen jerlerde suǧa tüsu, mas küiınde şomylu nemese öz mümkındıgın dūrys baǧalamau saldarynan bolǧan. Qaza bolǧandardyŋ arasynda balalar men jasöspırımder de bar.
«Soŋǧy jüzu» dep atalǧan profilaktikalyq aksiia sudaǧy qauıpsızdık talaptaryn būzudyŋ saldaryn körnekı türde körsetuge jäne tūrǧyndardyŋ jauapkerşılıgın arttyruǧa baǧyttalǧan.
Äleumettık jelı qoldanuşylary būl bastamaǧa ärtürlı pıkır bıldırdı. Bırı mūndai eskertu täsılın tiımdı dep baǧalasa, endı bırı ony tym äserlı ärı üreilı ädıs dep sanaǧan.
