Almaty qalasynda Memleket basşysy Qasym-Jomart Toqaevtyŋ atynan Būqaralyq aqparat qyzmetkerlerı künıne orai media salasynyŋ mamandaryna baspana kıltı saltanatty türde tapsyryldy.
Atap aitqanda, «Qazaqstan», «Habar, «Euraziia», «KTK», «Z1 arna» telearnalarynyŋ, «Qazaq gazetterı» JŞS, «Jas Alaş», «Vremia», «Qazaq ädebietı», «Türkıstan» basylymdarynyŋ jäne «Şalqar» radiosynyŋ qyzmetkerlerıne, barlyǧy 15 päter berıldı.
«Dara» Prezidenttık bastamalar qory ūiymdastyrǧan ıs-şaraǧa Prezident keŋesşısı – Baspasöz hatşysy Aibek Smadiiarov arnaiy qatysyp, almatylyq ärıptesterdı jaŋa qonysymen qūttyqtady.
"Özderıŋız bılesızder, Prezident otandyq jurnalistikanyŋ damuyna ūdaiy köŋıl böledı. BAQ qyzmetkerlerı künıne orai Aqordada ötken saltanatty jiynda Memleket basşysy Qasym-Jomart Toqaev el men ūlt müddesı üşın qyzmet etıp jürgen jurnalisterdıŋ eŋbegıne erekşe toqtalyp ötıp: «Sapaly habar taratyp, qajyrly qyzmet etıp jürgen aimaq tılşılerınıŋ eŋbegın eleusız qaldyruǧa bolmaidy. Sondyqtan menıŋ tapsyrmammen osy jyly alǧaş ret oblystarda jūmys ısteitın jurnalisterge de päter kıltı tabystalady», – dep aitqan edı. Osy tapsyrmaǧa säikes, biyl almatylyq ärıptesterımız de joba igılıgın körıp jatyr. Almaty – qazaq baspasözınıŋ qaraşaŋyraǧy. Köptegen dästürlı aqparat qūraldarynyŋ tarihy osy şahardan bastau alady. Memleket basşysy Almaty qalasynyŋ tynys-tırşılıgın ärqaşan nazarda ūstap otyrady", – dedı Aibek Smadiiarov.
Biyl BAQ qyzmetkerlerıne 66 päter tabystalady. Onyŋ ışınde Astana qalasynda – 15, Almaty qalasynda – 15, qalǧan 18 aimaqta 2 päterden bölındı.
Baspanaǧa ümıtkerlerdı anyqtau, päterlerdı daiarlau jūmystaryn «Dara» Prezidenttık bastamalardy qoldau qory, Prezidenttıŋ Is basqarmasy, jergılıktı atqaruşy organdar men BAQ redaksiialary bırlese jürgızdı.
Atap öterlık jait, ötken üş jylda Prezident atynan BAQ salasynyŋ 200 qyzmetkerıne baspana berıldı.
