Mädeniet jäne aqparat ministrlıgınıŋ qoldauymen 2026 jyldyŋ 27 mausymynda Roza Baǧlanova atyndaǧy «Qazaqkonsert» memlekettık akademiialyq konserttık ūiymynda 65-konserttık mausymnyŋ jabyluyna arnalǧan auqymdy «FOLK SHOW» Gala-konsertı öttı.
«FOLK SHOW» – ūlttyq muzykalyq mūrany zamanaui formatta därıpteuge baǧyttalǧan bıregei konserttık joba. Jobanyŋ avtory ärı dirijerı – respublikalyq jäne halyqaralyq baiqaulardyŋ laureaty, Mädeniet salasynyŋ üzdıgı, zamanaui muzyka önerınıŋ jarqyn ökılı Ädılet Azbaev.
Gala-konsertte «Astana sazy» Qazaq memlekettık folklorlyq ansamblı, Qazaq memlekettık simfoniialyq orkestrı jäne G band-tyŋ oryndauyndaǧy älemdık hitterdı, tanymal kino jäne telejobalardyŋ saundtrekterın, sondai-aq qazaq muzykasynyŋ keŋınen tanylǧan tuyndylary körermen nazaryna ūsynyldy.
Sondai-aq, muzykalyq keşte «Gülder» bi ansamblı, «Bırlık» bi ansamblı, «Astana Musical» memlekettık teatrynyŋ şyǧarmaşylyq ūjymy, Erbol Täjıbaev, Aizada Kemel, Oljas Qūrmanbek, Altynşaş Mūqataeva, Didar Abduhalyq, Janna, Nürken Iаkiiaev, Samǧar Tolqynhanūly jäne Qazaqkonserttıŋ özge de belgılı ärtısterı öner körsettı.
Baǧdarlamada «Qazaq Symphony», «Şal», «KZ Hits», «Detstvo», Batyrhan Şükenov şyǧarmalaryna arnalǧan muzykalyq kompozisiialar, «Qazaqşa trend» toptamasy jäne Qūrmanǧazynyŋ «Adai» küiı syndy qazaq muyzkasynyŋ altyn qorynan tuyndylar jäne «La La Land», «Avatar», «Titanic», «Game Evolution», «Game of Thrones», «Va-bank» jäne «Bollywood Medley» siiaqty älemdık hitter men kinoindustriianyŋ üzdık saundtrekterı de körermennıŋ ystyq yqylasyna bölendı. Keş qonaqtary türlı baǧyttaǧy şyǧarmalardy tyŋdap qana qoimai, horeografiialyq qoiylymdardy tamaşalady.
Aita keteiık, konserttıŋ basty maqsaty – ūlttyq muzykalyq önerdı keŋınen nasihattau, halyq aspaptarynyŋ şyǧarmaşylyq äleuetın körsetu boldy. Osylaişa «Qazaqkonsert» 65-mausymnyŋ qorytyndysynda dästürlı önerdı qazırgı zamanǧy muzykalyq ürdıstermen sabaqtastyra otyryp, myŋǧa juyq körermenge san türlı emosiia syilap, jaŋa mausymǧa deiın qoş aitysty.
Keş soŋynda QR Mädeniet jäne aqparat ministrlıgınıŋ atynan «Qazaqkonsert» ūjymyna «Yqylas gülı» tabystaldy.
