Sent-Luis qalasynda 10 jastaǧy balaǧa jetı ailyq säbidıŋ ölımıne qatysty adam öltırdı degen aiyp taǧyldy, dep habarlaidy "Adyrna" ūlttyq portaly.
AQŞ BAQ deregınşe, bala jetı ailyq säbidı basynan atyp jıbergen. Oqiǧadan keiın säbi auruhanaǧa jetkızılgenımen, därıgerler onyŋ ömırın saqtap qala almady. Oqiǧa kezınde üide taǧy bır bala bolǧan.
Polisiianyŋ aldyn ala boljamynşa, atys qaruy üidegı matrastyŋ astynda saqtalǧan jäne oǧan balanyŋ erkın qol jetkızuıne mümkındık bolǧan. Is boiynşa qaza tapqan säbidıŋ 19 jastaǧy äkesıne de aiyp taǧyldy. Tergeu deregıne säikes, ol qarudy kämeletke tolmaǧan balanyŋ qoly jetetın jerde saqtaǧan.
Tergeuşılerdıŋ mälımetınşe, 10 jastaǧy bala qarudyŋ qaida saqtalǧanyn bılgen jäne būǧan deiın de oǧan qol jetkızgen. Qazırgı uaqytta oǧan kämeletke tolmaǧandar ısı jönındegı sotta bırınşı därejelı adam öltıru baby boiynşa aiyp taǧyldy.
Al säbidıŋ äkesı kepılmen bosatu qūqyǧynsyz qamauǧa alyndy. Tergeu jalǧasyp jatyr.
