Almaty – Qorǧas avtojolynda üş adamnyŋ qaza boluyna sebep bolǧan jol-kölık oqiǧasyna qatysty küdıktınıŋ jeke basy anyqtaldy, dep habarlaidy "Adyrna" ūlttyq portaly.
Būl turaly jurnalist Mihail Kozachkov mälımdedı.
Aqparatqa säikes, jol talǧamaityn Haval kölıgın basqarǧan azamat – ışkı ıster organdarynda qyzmet atqaratyn 37 jastaǧy polisiia maiory Abylai Jarylqasynūly.
Jol-kölık oqiǧasy 23 mausym künı saǧat 17:00 şamasynda Almaty – Şelek – Qorǧas avtojolynyŋ 132-şaqyrymynda bolǧan. Aldyn ala mälımet boiynşa, Haval avtokölıgı qarsy qozǧalys jolaǧyna şyǧyp ketıp, Audi 100 kölıgımen soqtyǧysqan.
Apat saldarynan Audi kölıgınıŋ jürgızuşısı 41 jastaǧy Ahmetjan Jünısov, onyŋ 40 jastaǧy jūbaiy Gülhūmar Mahametova jäne 20 jastaǧy qyzy Diiara Tiıp oqiǧa ornynda qaza tapqan.
Sonymen qatar, marqūmdardyŋ taǧy ekı balasy, Diiaranyŋ bır jasqa tolmaǧan säbiı jäne Haval kölıgınıŋ jolauşysy Aidar Ürıstımbetov türlı dene jaraqattarymen auruhanaǧa jetkızılgen.
Jurnalistıŋ mälımetınşe, küdıktınıŋ qanynan 3,3 promille etil spirtı anyqtalǧan. Ol ışkı ıster organdarynda 15 jyldan astam uaqyt qyzmet etıp, polisiia maiory şenıne deiın köterılgen.
Qazır atalǧan derek boiynşa Qazaqstan Respublikasy Qylmystyq kodeksınıŋ 345-1-baby («Kölık qūralyn alkogoldık, esırtkılık jäne (nemese) uytqūmarlyq masaŋ küide basqaratyn adamnyŋ jol jürısı nemese kölık qūraldaryn paidalanu qaǧidalaryn būzuy») boiynşa qylmystyq ıs qozǧaldy. Küdıktıge qatysty sotqa deiıngı tergeu amaldary jürgızılıp jatyr.
