Elımızde şılde aiynyŋ alǧaşqy jeksenbısınde atalyp ötetın Ūlttyq dombyra künıne orai Astana qalasynda auqymdy respublikalyq chellendj bastau aldy, dep habarlaidy elorda äkımdıgınıŋ resmi saity.
Astana qalasy Bılım basqarmasynyŋ Ädıstemelık ortalyǧynyŋ ūiymdastyruymen ötken «Naǧyz qazaq – qazaq emes, naǧyz qazaq – dombyra!» atty respublikalyq chellendjge muzyka pänı mūǧalımderı men oquşylar belsendı qatysyp, ūlttyq önerdı ūlyqtauǧa öz ülesterın qosty.
Elorda boiynşa chellendjge 10 myŋǧa juyq oquşy qatysty. Olar muzyka pänı mūǧalımderınıŋ jetekşılıgımen Astananyŋ körıktı oryndarynda, mädeni nysandarynda jäne qoǧamdyq keŋıstıkterınde küi oryndady.
Bastamanyŋ negızgı maqsaty – oquşylardyŋ önerın köpşılıkke tanystyru, bır-bırınıŋ oryndauyn qoldau jäne elımızdıŋ özge öŋırlerındegı qūrdastaryn respublikalyq chellendjge qosyluǧa şaqyru.
Osylaişa, elordalyq oquşylar ūlttyq önerdı ūlyqtai otyryp, dombyranyŋ ünın bükıl respublikaǧa nasihattaityn mädeni estafetany bastady.
Chellendjdı alǧaşqylardyŋ bırı bolyp Almaty, Şymkent qalalarynyŋ, Türkıstan men Batys Qazaqstan oblystarynyŋ bılım beru ūiymdary qabyldap, ūlttyq önerdı nasihattau ısıne belsendı atsalysty.
Dombyranyŋ kümbırlegen ünı arqyly qatysuşylar halqymyzdyŋ bai mädeni mūrasyn därıptep, ūlttyq qūndylyqtardy keŋınen nasihattauda.
Būl bastama ūlttyq önerdıŋ ūrpaqtan ūrpaqqa jalǧasuyna, jastardyŋ dombyraǧa degen qyzyǧuşylyǧynyŋ artuyna jäne töl mädenietımızdıŋ keŋınen därıpteluıne zor serpın berıp otyr. Äsırese, bılım beru ūiymdarynyŋ ūstazdary men oquşylarynyŋ belsendılıgı ūlttyq tärbienı nyǧaityp, öskeleŋ ūrpaqtyŋ boiynda otansüigıştık pen ruhani qūndylyqtarǧa degen qūrmettı qalyptastyruǧa yqpal etude.
