Foto: globallookpress
Bagam araldarynda jeŋıl motorly ūşaq apatqa ūşyrap, saldarynan 10 adam – toǧyz jolauşy men ūşqyş qaza tapty. Būl turaly BBC jazdy, dep habarlaidy “Adyrna”.
Flamingo Air äue kompaniiasyna tiesılı Cessna 402 ūşaǧy Nassau maŋyndaǧy Linden Pindling atyndaǧy halyqaralyq äuejaidan San-Andros äuejaiyna baǧyt alǧan. Äue oqiǧalaryn tergeu basqarmasynyŋ mälımetınşe, qonuǧa az uaqyt qalǧanda ūşaqta tehnikalyq aqau tuyndap, ol būtaly jerge qūlaǧan.
Apat Bagam araldarynyŋ täuelsızdıgınıŋ 53 jyldyǧy toilanyp jatqan künı boldy. Eldıŋ premer-ministrı Filip Devis būl oqiǧany ūlttyq tragediia dep atady.
Alǧaşynda apattan bır adamnyŋ aman qalǧany habarlanǧan edı. Alaida keiın bilık ökılderı onyŋ auruhanada köz jūmǧanyn rastady.
Oqiǧadan keiın Azamattyq aviasiia ministrlıgı qauıpsızdık maqsatynda Flamingo Air äue kompaniiasynyŋ äue tasymalyn jüzege asyru sertifikatynyŋ küşın uaqytşa toqtatty. Vedomstvo būl şeşımnıŋ jazalau şarasy emes, aldyn alu maqsatynda qabyldanǧanyn mälımdedı.
Aviasiia ministrı DjoBet Kolbi-Devistıŋ aituynşa, sol künı Flamingo Air kompaniiasynyŋ taǧy bır ūşaǧy tehnikalyq aqauǧa bailanysty Nassauǧa kerı oraluǧa mäjbür bolǧan. Jolauşylar tüsırılgennen keiın äue kemesınıŋ bortynda ört şyqqan.
Öz kezegınde Flamingo Air kompaniiasy oqiǧaǧa qatysty barlyq qajettı aqparatty jinap jatqanyn jäne tergeu jürgızıp jatqan qūzyrly organdarmen tolyq yntymaqtastyq ornatyp otyrǧanyn mälımdedı.
