Fransiia qūramasy futboldan älem chempionatynyŋ jartylai finalynda jeŋılgennen keiın eldıŋ bırqatar qalasynda tärtıpsızdıkter boldy, dep habarlaidy «Adyrna» tılşısı.
Overn — Rona — Alpı aimaǧy äkımşılıgınıŋ mälımetınşe, Fransiia – İspaniia matchy aiaqtalǧannan keiın Lion qalasyndaǧy Belkur alaŋyna negızınen jastardan qūralǧan top jinalǧan.
Bilık taratqan mälımdemede top müşelerınıŋ qūqyq qorǧau organdary qyzmetkerlerıne türlı zattar laqtyrǧany aitylǧan. Oqiǧa ornyna kelgen polisiia qyzmetkerlerı tärtıpsızdıkke qatysuşylardy ūstaǧan.
Jergılıktı būqaralyq aqparat qūraldarynyŋ deregınşe, Liondaǧy qaqtyǧystar kezınde 20 adam ūstalǧan. Sonymen qatar Giioter audanynda bır adamnyŋ oq jaraqatyn alu faktısı boiynşa jürgızılıp jatqan tergeu aiasynda taǧy bır küdıktı qolǧa tüsken. Parij polisiiasyndaǧy derekközderdıŋ habarlauynşa, astana men onyŋ maŋyndaǧy audandarda 141 adam ūstalǧan.
Eske salaiyq, keşe AQŞ-tyŋ Dallas qalasynda 2026 jylǧy futboldan älem chempionatynyŋ jartylai finaly ötken bolatyn. Onda İspaniia qūramasy Fransiiany 2:0 esebımen jeŋıp, turnirdıŋ finalyna joldama alǧan edı.
