Moŋǧoliiadaǧy kemping aumaǧynda izraildık 6 turist şabuylǧa ūşyrady. Būl turaly «Kan» telearnasy jariialady, dep habarlaidy “Adyrna”.
Oqiǧa osy aptada bolǧan. Üş er adam men üş äielden qūralǧan top kölıkpen Moŋǧoliiany aralap jürıp, kempingke toqtaǧan kezde belgısız bır toptyŋ şabuylyna ūşyraǧan.
Zardap şekkenderdıŋ aituynşa, şabuyl jasaǧandar pyşaq pen baltamen qarulanyp, antisemittık ūrandar, sonyŋ ışınde «Hail Gitler» degen sözderdı aitqan. Sondai-aq olardy qazaq mūsylmandary bolǧany aitylǧan. Alaida būl aqparat äzırge täuelsız derekközder arqyly resmi türde rastalǧan joq.
Oqiǧa kezınde İzrail qorǧanys armiiasynyŋ (SAHAL) jauyngerlık bölımderınde būryn qyzmet etken üş turist qarsylyq körsetıp, toptyŋ qauıpsız jerge ketuıne mümkındık jasaǧan. Sonyŋ özınde top müşelerınıŋ bırı auyr jaraqat alyp, jaq süiegı synǧan. Ol keiın İzrailge jetkızılıp, em qabyldap jatyr.
İzraildıŋ Syrtqy ıster ministrlıgı äzırge oqiǧaǧa qatysty resmi mälımdeme jasaǧan joq. Degenmen Qytaidaǧy İzrail elşılıgı men şeteldegı izraildıkter ısı jönındegı departament turisterge qoldau körsetıp, olardyŋ Moŋǧoliiadan qauıpsız şyǧuyna kömektesken.
Aldyn ala mälımet boiynşa, būǧan deiın Moŋǧoliiada İzrail azamattaryna nemese evreilerge qarsy antisemittık sipattaǧy oqiǧalar tırkelmegen. Qazırgı uaqytta şabuyldyŋ naqty sebepterı men män-jaiy anyqtalyp jatyr.
Moŋǧoliia İzrail azamattaryna bır aiǧa deiın vizasyz kıruge mümkındık beredı. Ekı memleket arasyndaǧy diplomatiialyq qarym-qatynasqa şamamen 30 jyl bolǧan.
