Ukraina prezidentı Reseimen soǧys qimyldaryn qazırgı maidan şebınde toqtatu qaqtyǧysty aiaqtaudyŋ yqtimal joldarynyŋ bırı ekenın aitty, dep habarlaidy “Adyrna” Fox News-qa sıltep.
Telearna tılşısı Zelenskiiden Ukraina aumaǧynyŋ basym bölıgı Kievtıŋ baqylauynda qalatyn, al soǧys qazırgı pozisiialarda toqtatylatyn kelısımge keluge daiyn ba ekenın sūrady.
Ukraina basşysy qinala jauap berıp, aldymen oq atudy toqtatyp, maidan şebındegı jaǧdaidy tūraqtandyru qajet ekenın aitty. Onyŋ pıkırınşe, būl soǧysty aiaqtauǧa mümkındık beretın naqty qadam boluy mümkın.
Zelenskii el aumaǧynyŋ 75 paiyzy nemese odan da köp bölıgı Ukraina baqylauynda qalatyn beibıt kelısım turaly sūraqqa:
"İä, qazır bızge [maidan şebın] toqtatyp qoiu qajet. Menıŋşe, būl - soǧysty aiaqtaudyŋ naqty joly. Prezident Tramp aitqandai, bız mūny oq atudy toqtatu nemese adam öltırudı doǧaru dep ataimyz", - dep jauap berdı.
Zelenskiidıŋ pıkırınşe, atysty toqtatu – qaqtyǧysty retteudıŋ bastapqy kezeŋı. Odan keiın Ukraina AQŞ pen Europa elderınen qauıpsızdık kepıldıkterın sūramaq.
Resei prezidentınıŋ kömekşısı Iýrii Uşakov ta Ukrainadaǧy soǧysty aiaqtau perspektivasyna qatysty pıkır bıldırdı. Onyŋ aituynşa, qaqtyǧystyŋ aiaqtaluy qanşalyqty jaqyn ekenın naqty aitu qiyn, alaida jaǧdai osy baǧytta örbıp keledı.
Būl mälımdeme Resei prezidentı Vladimir Putin men AQŞ prezidentınıŋ arnaiy ökılı Stiv Uitkofftyŋ Sankt-Peterburgte ötken kezdesuınen keiın jasaldy.
Uşakovtyŋ habarlauynşa, Resei qaraşanyŋ ortasynda Ukraina jäne AQŞ-pen üşjaqty kelıssözderdı qaita bastauǧa daiyn ekenın bıldırgen. Kelıssözder ötetın yqtimal oryndardyŋ bırı retınde Abu-Dabi qarastyrylyp jatyr.
Aita keteiık, būǧan deiın Ombydaǧy oqşau otyrysta Prezident Toqaev Resei-Ukraina qaqtyǧysyn uaqytşa toqtatuǧa şaqyrǧan edı.
