25 şıldeden bastap Qazaqstan men BAÄ arasynda jürgızuşı kuälıkterın özara tanu jäne aiyrbastau turaly kelısım küşıne endı, dep habarlaidy “Adyrna” tılşısı.
Işkı ıster ministrı Erjan Sädenov Bırıkken Arab Ämırlıkterıne jūmys sapary barysynda kelısımge qol qoiylǧan.
Jaŋa qūjatqa säikes, BAÄ-de uaqytşa jürgen Qazaqstan azamattary Ämırlıkterdıŋ qoldanystaǧy zaŋnamasyna säikes qazaqstandyq jürgızuşı kuälıgın paidalana alady.
Al Qazaqstan azamattary BAÄ-ge tūraqty tūruǧa köşken jaǧdaida «B» sanaty (jeŋıl avtomobilder) jäne «B1» kışı sanaty (üş döŋgelektı kölık qūraldary men kvadrosiklder) boiynşa teoriialyq jäne praktikalyq emtihan tapsyrmai-aq jürgızuşı kuälıgın jergılıktı kuälıkke aiyrbastai alady.
Däl osyndai jeŋıldetılgen tärtıp Qazaqstanǧa tūraqty tūruǧa kelgen Bırıkken Arab Ämırlıkterı azamattaryna da qoldanylady.
