Qazaqstannyŋ ışkı ıster ministrı Erjan Sädenov Qaraǧandydaǧy polisiia beketınen äiel adamnyŋ mäiıtı men es-tüssız jatqan polisei tabylǧan oqiǧany ūiat jaǧdai dep atady, dep habarlaidy "Adyrna" ūlttyq portaly QazTAG-qa sılteme jasap.
«Būl jaǧdaidy jaqsy dep aituǧa bolmaidy, būl – ūiatty ıs. Polisiia qyzmetkerınıŋ atyna kümän keletın jait bolsa, ol öte ökınıştı. Qazır osy oqiǧa boiynşa qylmystyq ıs qozǧaldy. Türlı nūsqalar qaralyp jatyr, ıstıŋ tolyq tergeluın qamtamasyz etemız. Būl ıs menıŋ jeke baqylauymda. Äsırese adam ölımı men polisiia qyzmetkerınıŋ qatysy bar kezde būl – öte auyr jaǧdai. Sol sebeptı oqiǧa jaily habar tüsken alǧaşqy minuttardan bastap baqylauǧa alyndy, tergeu jürıp jatyr», – dedı Sädenov.
Jurnalister poliseidıŋ esırtkılık mas küide bolǧan-bolmaǧany turaly sūraǧanda, ministr «nūsqalar köp» dep qana jauap berdı.
Eske sala keteiık, 1 qazan künı Qaraǧandydaǧy polisiianyŋ tırek punkterınıŋ bırınen äiel adamnyŋ mäiıtı jäne es-tüssız jatqan polisei qyzmetkerı tabylǧany turaly jazǧan edık
