Eks-ministr Quandyq Bişımbaevtyŋ äielı Saltanat Nükenova öltırılgen Astanadaǧy «Gastro-ortalyq» direktory da qamauǧa alyndy, dep habarlaidy “Adyrna” ūlttyq portaly.
Polisiia departamentınıŋ baspasöz qyzmetı būrynǧy ministr Quandyq Bişımbaevtyŋ äielın öltıru faktısın jasyrdy degen küdıkpen kısı ölımı oryn alǧan “Gastro-ortalyq” meiramhana keşenınıŋ direktory ūstalǧanyn habarlady.
Tergeudı Astana qalalyq polisiia departamentınıŋ tergeu basqarmasy jürgızıp jatyr.
«Qalalyq polisiia departamentı elorda meiramhanalarynyŋ bırınde QR QK 99-baby (Kısı öltıru) boiynşa äieldı öltıru ısıne qatysty tergeudı jalǧastyruda. Qylmys jasady degen küdıktı Astana qalasynyŋ tergeu sotymen qamauǧa alyndy. Qazırgı uaqytta tergeu organdary oqiǧanyŋ barlyq män-jailaryn jäne naqty adamdardyŋ kınäsın anyqtauǧa baǧyttalǧan qajettı ıs-şaralardyŋ barlyq keşenın oryndauda. QR Qylmystyq Kodeksınıŋ 432-babyna säikes, qylmysty jasyrǧany üşın «Gastro-ortalyq» direktory tergeu izoliatoryna qamaldy. Taǧy da Qylmystyq Kodekstıŋ 434-baby boiynşa qylmystyŋ bolyp jatqany turaly aqparat bermegenı üşın jäne 119-babynyŋ 3-tarmaǧyna säikes, zardap şeguşını qauıptı jaǧdaida qaldyrǧany üşın qylmystyq ıs qozǧaldy. Is Astana qalasy Polisiia departamentı Tergeu basqarmasynyŋ jäne Işkı ıster ministrlıgınıŋ baqylauynda bolady», - dep tolyqtyrdy poliseiler.
Ūqsas jaŋalyqtar
