«AMANAT» partiiasy Ükımetpen bırlesıp jüzege asyryp kele jatqan «Auyl amanaty» jobasy boiynşa auqymdy aqparattyq marafon jalǧasuda. Basty maqsat – auyl tūrǧyndaryna tabysyn, äl-auqatty men ömır süru sapasyn arttyruǧa kömektesu.
Biyl säuırde Memleket basşysy Qasym-Jomart Toqaevtyŋ tapsyrmasyna säikes «2025 jylǧa deiın halyqtyŋ tabysyn arttyru baǧdarlamasy» bekıtıldı. Auyl tūrǧyndarynyŋ jyldyq mölşerlemesı 2,5%-dy qūraityn jeŋıldetılgen nesie aluyna, kooperativ qūru jäne tehnikany lizingke resımdeu kezınde kömek aluyna mümkındık paida bolady. Osy baǧdarlama aiasynda partiia Ükımetpen bırlesıp «Auyl amanaty» jobasyn jüzege asyruda.

«Elımızdegı ärbır öŋırdıŋ özındık erekşelıgı bar. Mümkındıkterı de är türlı. Sondyqtan da osy joba aiasynda barlyq auyldyŋ äleuetın anyqtap, tūrǧyndarǧa ary qarai daiyn baǧytta käsıp aşudy üiretudı közdeimız. Būl eldı mekenderdı damytuǧa baǧyttalǧan maŋyzdy qadam», – dedı biznes-trener Zaira Usuvalieva.28 şıldede partiia müşelerı auqymdy aqparattyq marafondy bastady. Sonyŋ barysynda Şyǧys Qazaqstan, Maŋǧystau, Aqmola, Atyrau, Qyzylorda, Batys Qazaqstan jäne Ūlytau oblystaryndaǧy 116 auyldyq okrugtı aralap ülgerdı. Mäselen, Şyǧys Qazaqstan oblysynda partiia müşelerı 18 auyldyq eldı mekende bolyp, 700-ge juyq adam jobamen tanysty.
«Būl – auyl tūrǧyndaryna asa qajet baǧdarlama. Ondaǧy basym baǧyttarǧa, azamattarǧa qarastyrylǧan mümkındıkterge dän rizamyn. Osyndai jobalar arqyly auyl adamdary tūrmysyn jaqsartyp, äl-auqatyn arttyrady. Eŋ bastysy, jappai qalaǧa köşu ürdısı bäseŋdeidı. Eldı mekenderde jūmys oryndary aşylady. Äsırese, jastar qauymynyŋ tuǧan jerde tūraqtap qaluyna jaǧdai jasalady», – dedı Şyǧys Qazaqstan oblysy Ūlan audany Tūrǧyn auylynyŋ tūrǧyny Bekzat Näzırbek.Aqmola oblysyndaǧy 42 auyldyq eldı mekennıŋ tūrǧyndary tabysty arttyru baǧdarlamasynyŋ jai-japsarymen jäne «Auyl amanaty» jobasymen tanysty. Mäselen, Aqmola oblysy Ereimentau audany Torǧai auylynyŋ tūrǧyny Änuar Äbdırahmanovtyŋ aituynşa, kooperativter müşelerı üşın qyzmet qūny naryqtaǧy baǧadan äldeqaida tömen bolady. «Auyldyŋ, onyŋ tūrǧyndarynyŋ ömır sapasy men äl-auqatyn jaqsartuǧa negızdelgen baǧdarlama ekenıne köz jetkızdım. Bırıgıp kooperativ aşamyn, käsıbımdı damytamyn degen belsendı azamattar üşın tartymdy ūsynystar jasalyp jatyr. Şarualar tehnikany lizingke resımdeu kezınde kömek ala alady. Jyldyq mölşerlemesı tömen jeŋıldetılgen nesie de qarastyrylǧan», – dedı ol. Mobildı toptar elımızdıŋ är öŋırındegı 394 auyldyq eldı mekenge barudy közdep otyr. Sapar 10 qyrküiekke deiın jalǧasady.






