Armeniianyŋ Kapan qalasynda TMD-ǧa müşe memleketterdıŋ Jastar ısı jönındegı keŋesınıŋ otyrysy öttı. Oǧan Qazaqstan Respublikasynyŋ delegasiiasy qatysty, dep habarlaidy "Adyrna".
Is-şara "TMD jastar astanasy" halyqaralyq jobasy aiasynda ūiymdastyryldy.
Otyrys barysynda qatysuşy memleketterdıŋ ökılderı jastar saiasatyn damytudyŋ basym baǧyttaryn, halyqaralyq yntymaqtastyqty keŋeitu, jastar bastamalaryn qoldau, volonterlık qozǧalysty damytu jäne bırlesken jobalardy jüzege asyru mäselelerın talqylady.
Qazaqstan tarapy jastar saiasaty salasyndaǧy köpjaqty ärıptestıktı odan ärı nyǧaituǧa daiyn ekenın jetkızdı.
Qazaqstandyq delegasiia TMD-ǧa müşe memleketterdıŋ jastar qoǧamdyq ūiymdarynyŋ forumyna jäne Keŋes müşelerınıŋ paneldık pıkırtalasyna qatysty. Basqosularda TMD elderınıŋ jastar ūiymdary arasyndaǧy yntymaqtastyqty odan ärı damytu joldary söz boldy.
Jiyn qorytyndysynda TMD-ǧa müşe memleketterdıŋ Jastar ısı jönındegı keŋesıne töraǧalyq etu kezegı Qazaqstanǧa öttı.
