Türkıstan oblysynda Qytai Halyq Respublikasynyŋ azamatşasyna qatysty boluy mümkın jynystyq sipattaǧy qylmys faktısı boiynşa sotqa deiıngı tergeu jürgızılıp jatyr, dep habarlaidy "Adyrna" ūlttyq portaly "Pisma Prezidentu" telegram arnasyna sıltep.
Äleumettık jelılerde küdıktı retınde Bäidıbek audandyq mäslihatynyŋ deputaty Erǧali Amanbaevtyŋ esımı atalyp jatyr. Alaida qūqyq qorǧau organdary küdıktınıŋ jeke basyn resmi türde jariialaǧan joq. Türkıstan oblysy PD deregınşe, atalǧan faktı boiynşa qylmystyq ıs qozǧalyp, sotqa deiıngı tergeu bastalǧan.
«Atalǧan derek boiynşa sotqa deiıngı tergeu jürgızılude. Küdıktı retınde Şymkent qalasynyŋ tūrǧyny anyqtalyp, qamauǧa alyndy», – dep habarlady vedomstvonyŋ baspasöz qyzmetı.
Polisiia oqiǧanyŋ barlyq män-jaiyn anyqtap jatqanyn atap öttı. Tergeu qūpiiasyna bailanysty özge aqparat jariia etılmeidı. Būǧan deiın būqaralyq aqparat qūraldary men äleumettık jelılerde Almaty tūrǧynynyŋ Qytaidan kelgen investorlardy Bäidıbek audanyndaǧy Baijansai auylyna alyp barǧany, keiın olardyŋ bırı zorlyq-zombylyqqa ūşyrady degen aqparat taraǧan.
Qūqyq qorǧau organdary tergeu aiaqtalǧanǧa deiın küdıktınıŋ kınäsı sotta däleldenbeiınşe, onyŋ kınäsızdık prezumpsiiasy saqtalatynyn eske salady.
