Resei prezidentı Vladimir Putin Qazaqstan jäne Özbekstanmen qoldanystaǧy äskeri-tehnikalyq yntymaqtastyq turaly kelısımderge özgerıster engızu jönınde kelıssözderdı bastaudy tapsyrdy. Tiıstı qūjattar qūqyqtyq aktıler portalynda jariialandy, dep habarlaidy «Adyrna» tılşısı.
Resei Qazaqstanmen äskeri-tehnikalyq yntymaqtastyq turaly kelısımdı 2013 jylǧy 24 jeltoqsanda (2015 jyly ratifikasiialanǧan), al Özbekstanmen 2016 jylǧy 29 qaraşada jasasqan. Qūjattar qaru-jaraq pen äskeri tehnikany jetkızudı, äskeri maqsattaǧy önımdermen almasudy, tehnologiialar men tehnikalyq qūjattamany berudı retteidı.
Soŋǧy jyldary Qazaqstan Reseiden Su-30SM joiǧyş ūşaqtaryn (2022 jylǧa qarai olardyŋ sany 20-ǧa jettı), Mi-171Ş jäne Mi-35M tıkūşaqtaryn, «Buk-M2E» zenittık-zymyran keşenderın, BTR-80 jäne BTR-82A bronetransporterlerın aldy. Sonymen qatar 2015 jyly Mäskeu öŋırlık bıryŋǧai äue qorǧanysy jüiesın qūru baǧdarlamasy aiasynda Astanaǧa bes S-300PS zenittık-zymyran jüiesın tegın tapsyrǧan bolatyn.
Özbekstan 2017–2019 jyldary memlekettık eksporttyq nesie aiasynda jetkızılgen 12 Mi-35M tıkūşaǧyn qabyldap, sondai-aq şamamen 30 MiG-29 joiǧyş ūşaǧyn jaŋǧyrtty. Taraptar būǧan qosa Su-30SM ūşaqtaryn, «Sopka-2» radiolokasiialyq keşenın jäne «Pechora-2M» zenittık-zymyran keşenıne arnalǧan jabdyqtardy jetkızu mäselesın talqylaǧan.
Aita keteiık, Qazaqstan men Resei –Ūjymdyq qauıpsızdık turaly şart ūiymynyŋ müşelerı. Ekı memleket arasyndaǧy äskeri yntymaqtastyqtyŋ edäuır bölıgı osy ūiym şeŋberınde jüzege asyrylady. Al Özbekstanmen ekı eldıŋ äskeri-äue küşterı men äue qorǧanysy äskerlerın bırlesıp paidalanu turaly jeke kelısım qoldanylady.
