Qaraǧandy oblysynyŋ bes qalasynda kommunaldyq infraqūrylym bır uaqytta, bıraq ärtürlı jospar boiynşa jaŋartyluda. Temırtauda byltyr bastalǧan joba aiaqtaluǧa jaqyn. Saranda su men kärızdıŋ jaŋa jelılerı salynyp jatyr, al Qaraǧandy, Şahtinsk jäne Abai qalalarynda jylu men sumen qamtamasyz etu nysandary qaita jöndeuden ötude.
Barlyq jūmys «Energetikalyq jäne kommunaldyq sektorlardy jaŋǧyrtu» ūlttyq jobasy aiasynda jürıp jatyr jäne ärtürlı kezeŋderde tūr. Eŋ ırı jobalar qai jerde jüzege asyrylyp jatqanyn, jelılerdıŋ qanşa kölemı jaŋartylatynyn jäne būl qanşa tūratynyn qarastyraiyq.
Qandai jūmystar atqaryluda?
Eŋ auqymdy jūmystar Saran qalasynda bastaldy. Būrynǧy rezeŋke-tehnikalyq būiymdar zauytynyŋ maŋynda (tūrǧyndar ony RTİ audany dep ataidy) su men kärız jüiesı ıs jüzınde nölden bastap qaita jasalyp jatyr. Mūnda 33,83 şaqyrym su qūbyryn, taza su rezervuaryn jäne sorǧy stansiiasyn salu, sondai-aq 18,91 şaqyrym kärız jelısın jürgızu josparlanǧan.
Qaraǧandyda bırden ekı ırı joba jüzege asyryluda. Qalada tūrǧyn audandarǧa jylu beretın 2,43 şaqyrym jylu magistralı qaita jöndeuden ötıp jatyr. Onymen qatar su tazartu keşenı jaŋartyluda: mūnda negızgı ǧimarattar men su daiyndauǧa qatysatyn ekı ǧimarattyŋ ışındegı 24,8 şaqyrym injenerlık jelıler auystyrylady.
Abai men Şahtinskıde jūmystyŋ basym bölıgı jylumen qamtamasyz etuge baǧyttalǧan. Abaida QarGRES-ten «Abai» sorǧy stansiiasyna deiıngı 2,56 şaqyrym magistraldyq jylu jelısı, al Şahtinskıde Molodejnaia köşesınıŋ boiyndaǧy 4,84 şaqyrym jelı qaita jöndeledı. Ekı jobany da 2026-2027 jyldary ıske asyru josparlanǧan.
Aiaqtaluǧa eŋ jaqyn tūrǧan joba – Temırtauda. Mūnda jylu magistralınıŋ şamamen 83%-y, iaǧni josparlanǧan 8,27 şaqyrymnyŋ 6,86 şaqyrymy qaita jöndeuden öttı.
2026 jyly qalǧan 1,42 şaqyrymdy aiaqtau josparlanǧan. Nysan ıske qosylǧannan keiın qalanyŋ jylu jelılerınıŋ tozu deŋgeiı 75%-dan 73,1%-ǧa deiın tömendeuı tiıs.
Bölek baǧyt – elektrmen qamtamasyz etu. Oblysta ekı joǧary voltty jelı men ekı qosalqy stansiia qaita jöndeledı. Jelılerde negızgı bölşekter tolyǧymen auystyrylady, al qosalqy stansiialarda küştık transformatorlar, reaktorlar men taratu jabdyqtary jaŋartylady. Būl tört jobanyŋ jalpy qūny şamamen 18,5 mlrd teŋgenı qūraidy.
Jelılerdıŋ jalpy auqymy qanşa?
Su tazartu keşenınıŋ ışkı jelılerın eseptemegende, bes qalada 70 şaqyrymnan astam jylu, su jäne kärız jelılerın salu men qaita jöndeu josparlanǧan. Al 24,8 şaqyrym ışkı injenerlık kommunikasiiany qosqanda, jalpy kölemı deŋgeiı derlık 96 şaqyrymǧa jetedı. Kelısımşart jasalǧan osy jobalardyŋ barlyǧynyŋ qūny şamamen 66 mlrd teŋgenı qūraidy. Būl somanyŋ jartysyna juyǧy Qaraǧandydaǧy ekı nysanǧa – jylu magistralı men su tazartu keşenın qaita jöndeuge tiesılı.
Ary qarai ne bolmaq?
Jobalardyŋ basym bölıgı 2027 jylǧa deiın eseptelgen, bıraq nätijesı ärtürlı uaqytta bolady. Temırtauda nysan aiaqtaluǧa jaqyn bolsa, Saran, Abai jäne Şahtinsk qalalarynda jūmystyŋ negızgı bölıgı älı alda. Sondyqtan kelesı maŋyzdy kezeŋ – jaŋa jobalardy bastau emes, jasalǧan kelısımşarttardy belgılengen merzımde oryndau kerek. Salynǧan qarajattyŋ jelılerdıŋ jaǧdaiyna jäne kommunaldyq qyzmetterdıŋ tūraqtylyǧyna kanşalyqty äser etkenı tek nysandar ıske qosylǧannan keiın belgılı bolady.
