Täjıkstannyŋ bılım jäne ǧylym ministrlıgı ata-baba jazuyn oqytu baǧdarlamasyn qaita qarau jūmystaryn bastady, dep habarlaidy "Adyrna" tılşısı.
Jergılıktı BAQ deregınşe, būl maqsatta arnaiy jūmys toby qūryldy.
Mūndai şeşım el prezidentı Emomali Rahmon 29 mamyrda Ükımet otyrysynda bergen tapsyrmadan keiın qabyldandy. Memleket basşysy arii tarihy men mädenietın zerdeleu jäne nasihattau aiasynda bılım beru jüiesınde parsy tılın oqytudyŋ sapasyn arttyrudy tapsyrǧan.
Bılım jäne ǧylym ministrı Rahim Saidzoda qazırgı taŋda mamandar oqu baǧdarlamasyna engızıletın özgerısterdı zerdelep jatqanyn mälımdedı.
Qazır ata-baba jazuy 7 jäne 8-synyp oquşylaryna aptasyna ekı saǧattan oqytylady. Ministrlık baǧdarlamany jetıldıru mümkındıgın qarastyryp jatyr, alaida naqty özgerıster äzırge jariialanǧan joq.
Ministr būl bastama jaŋa tıldı engızudı közdemeitının erekşe atap öttı.
«Būl – basqa tıl emes, täjık tılı. Tek ony osy jazu ülgısımen meŋgeru qajet», – dedı ol.
Öz kezegınde Täjıkstannyŋ tıl jäne terminologiia komitetınıŋ töraǧasy Sahidod Rahmatullozoda komitet qyzmetkerlerı ata-baba jazuyn erkın meŋgergenın jäne ony nasihattau jūmystaryn jürgızıp jatqanyn aitty.
Onyŋ sözınşe, täjık halqynyŋ 1200 jyldan astam jazba tarihy osy jazumen bailanysty. Sondyqtan ata-baba jazuyn bılu eldıŋ tarihi ärı ädebi mūrasymen tereŋırek tanysuǧa mümkındık beredı. Sonymen qatar ol būl jazudy kez kelgen adam jasyna qaramastan meŋgere alatynyn jetkızdı.
