AQŞ prezidentı Donald Tramp Gaza sektoryndaǧy palestinalyq HAMAS qozǧalysy men özge de qaruly toptardy tolyq qarusyzdandyruǧa baǧyttalǧan «tarihi kelısımge» qol jetkızılgenı turaly aqparat taratty, dep habarlaidy "Adyrna" ūlttyq portaly.
Şeteldık BAQ deregınşe, Tramptyŋ kelısımı onyŋ Gaza sektoryndaǧy soǧysty toqtatuǧa arnalǧan 20 tarmaqtan tūratyn josparyn ıske asyrudaǧy maŋyzdy kezeŋ bolyp sanalady. Ol kelısım aiasynda Gaza sektoryn Palestina halqyna qoldau körsetetın Beibıtşılık keŋesımen bırlesıp jūmys ısteitın jaŋa Palestina ükımetınıŋ basqaruyna beru közdeletının aitty.
Sondai-aq AQŞ prezidentı qarusyzdanu prosesı aiaqtalǧannan keiın İzrail qorǧanys küşterı Gaza sektorynan şyǧarylatynyn jetkızdı. Onyŋ sözınşe, kelısım auyr qaru-jaraqty kezeŋ-kezeŋımen tapsyrudy, qaru-jaraq qoimalary men jerasty tunnelderın joiudy jäne būl üderıstı halyqaralyq baqylaumen jürgızudı qarastyrady.
Alaida qazır HAMAS qozǧalysy da, İzrail bilıgı de atalǧan şarttarǧa kelıskenı turaly resmi mälımdeme jasaǧan joq.
Eske salaiyq, būǧan deiın HAMAS AQŞ qoldaǧan soǧystan keiıngı retteu jospary aiasynda Gaza sektoryndaǧy ükımetın taratqanyn jariialaǧan.
