Şalqar qalasynyŋ būrynǧy äkımı zaŋgerlık kömekke 4 mln teŋge berıp, alaiaqtyq qūrbany boldy, dep habarlaidy "Adyrna" ūlttyq portaly.
Aqtöbe qalasynyŋ №2 sotynda alaiaqtyq deregı boiynşa qylmystyq ıs qaraldy. Is materialdaryna säikes, sottaluşylar T. Aqbota men S. Qalamqas bırneşe adamdy aldap, zaŋsyz aqşa iemdengen. Qylmystyq ıs jetı epizodtan tūrady, onyŋ bırı Şalqar qalasynyŋ būrynǧy äkımıne qatysty.
Sot mälımetınşe, S. Qalamqas Aqtöbe oblysy zaŋgerler palatasynyŋ müşesı bola otyryp, 2022 jyldyŋ tamyz aiynda Şalqar qalasynyŋ eks-äkımıne qūqyqtyq kömek körsetıp, onyŋ qorǧauşysy boluǧa uäde bergen. Alaida ol zaŋ boiynşa mūndai qyzmettı atqara almaitynyn bıle tūra, jäbırlenuşını jaŋylystyrǧan.
Küdıktı körsetıletın qyzmet üşın 8 mln teŋge sūrap, onyŋ alǧaşqy jarnasy retınde 4 mln teŋge alǧan. Jäbırlenuşı kelısılgen somany kelesı künı qolma-qol tapsyrǧanymen, taraptar arasynda eşqandai kelısımşart jasalmaǧan.
Belgılı bolǧandai, būrynǧy äkım 2021 jyly Qylmystyq kodekstıŋ «Salǧyrttyq» baby boiynşa kınälı dep tanylyp, 4 jylǧa bas bostandyǧyn şekteu jazasyna kesılgen.
Tergeu barysynda T. Aqbota men S. Qalamqastyŋ 2021 jyly «Samūryq-Qazyna» AQ arqyly memlekettık baǧdarlama aiasynda jaldamaly päter alyp beremız degen jeleumen de azamattardy aldaǧany anyqtaldy. Olar Almaty, Astana jäne Aqtöbe qalalaryndaǧy bırneşe tūrǧyn üi keşenınen baspana aluǧa kömektesemız dep uäde berıp, azamattardan aqşa alǧan.
Sot ükımımen T. Aqbota alaiaqtyq jasaǧany üşın 6 jylǧa bas bostandyǧynan aiyryldy. Kämeletke tolmaǧan balasynyŋ boluyna bailanysty onyŋ jazasyn öteuı üş jylǧa keiınge qaldyryldy. Al S. Qalamqas 6 jylǧa bas bostandyǧynan aiyryldy.
Sot jäbırlenuşılerdıŋ azamattyq talaptaryn ışınara qanaǧattandyryp, S. Qalamqasty Şalqar qalasynyŋ būrynǧy äkımıne 4 mln teŋgenı qaitaruǧa mındettedı.
Sot ükımı zaŋdy küşıne engen joq.
