Aqtöbe oblysynda ekı ekstremist ūstaldy, dep habarlaidy “Adyrna” ūlttyq portaly Almaty arnasyna sılteme jasap.
Temır audanynyŋ tūrǧyndary vatsap messendjerınde terıs dıni aǧymdy nasihattaityn audio men video taratqan. Qazırgı uaqytta poliseiler küdıktılerdı jauapkerşılıkke tartu maqsatynda destruktivtı materialdarǧa saraptama jasap, sotqa jıberdı.
«2 azamatqa osy derekke qatysty QR Äkımşılık kodeksınıŋ 453-baby 1-tarmaǧymen «Būqaralyq aqparat qūraldarynyŋ önımderın, sol siiaqty özge de öımderdı daiyndau, saqtau, äkelu, tasymaldau, taratu» baby boiynşa 20 AEK kölemınde aiyppūl salyndy», – dedı Aqtöbe oblystyq PD baspasöz qyzmetkerı Erbolat Sarqūlov.Odan bölek, Türkıstan oblysynda da terrorizmdı nasihattaǧan er adam ūstaldy. Tärtıp saqşylary äleumettık jelılerde monitoring jürgızu arqyly belgısız adamnyŋ tyiym salynǧan videolar men mätındık habarlamalar jariialaǧanyn anyqtaǧan. Jedel ızdestıru barysynda küdıktınıŋ Arys audanynyŋ tūrǧyny jäne destruktivtı dıni aǧymnyŋ jaqtauşysy ekenı anyq boldy. Būryn sottalǧan eken.
«Onyŋ üiın tıntu barysynda är türlı kompiuterlık tehnika, tyiym salynǧan dıni ädebietter, ūialy telefon men diskıler tärkılendı. Qazırgı uaqytta sotqa deiıngı tergeu amaldary jalǧasyp jatyr», – dedı Türkıstan oblysy PD resmi ökılı Saltanat Qaraközova.
“Adyrna” ūlttyq portaly
Ūqsas jaŋalyqtar
