Äleumettık jelılerde Qazaqstan azamattyǧyn aqşaǧa satyp alǧanyn mälımdegen er adamnyŋ beinejazbasy taraǧannan keiın Işkı ıster ministrlıgı qylmystyq ıs qozǧady. Vedomstvo onyŋ aitqan mälımetterı şyndyqqa säikes kelmeitının habarlady, dep jazady "Adyrna".
Beinejazbada er adamnan memlekettık tıldı bıluge arnalǧan testten ötpei azamattyqty qalai alǧany sūralady. Ol jauap retınde "Qazaqstanda bärı satyp alynady" dep, eldı jemqor memleket dep sipattaidy. Alaida keiın ol qazaqstandyqtar turaly jyly pıkır bıldırgen.
IIM mälımetınşe, jürgızılgen tekseru barysynda videodaǧy adamnyŋ jeke basy anyqtalǧan. Ol Qazaqstan azamaty emes, körşıles eldıŋ azamaty bolyp şyqqan.
Vedomstvonyŋ habarlauynşa, onyŋ Qazaqstan azamattyǧyn satyp alǧany turaly aitqany rastalmaǧan.
Osy derek boiynşa qylmystyq ıs qozǧaldy. Qazırgı uaqytta IIM şeteldık ärıptesterımen bırlesıp qajettı tergeu jäne tekseru şaralaryn jürgızıp jatyr.
Äzırge qylmystyq ıstıŋ naqty qai bap boiynşa tırkelgenı jäne küdıktınıŋ qai elde jürgenı jariialanǧan joq.
Işkı ıster ministrlıgı azamattardy tekserılmegen ärı jalǧan aqparatty taratudan saq boluǧa şaqyrdy.
