Almaty qalasynda densaulyq saqtau salasynyŋ infraqūrylymyn damytu jūmystary jalǧasyp jatyr. Qazırgı taŋda qalada jaŋa emhanalardyŋ qūrylysy jürgızılıp, qoldanystaǧy medisinalyq ūiymdardy jaŋǧyrtu jäne alǧaşqy medisinalyq-sanitariialyq kömek körsetu jüiesın jetıldıru baǧytynda auqymdy jobalar ıske asyryluda.
Būl turaly Öŋırlık kommunikasiialar qyzmetınıŋ brifingınde Almaty qalasy Qūrylys basqarmasynyŋ basşysy Nūrbol Nūrsaǧatov mälımdedı.
Onyŋ aituynşa, bügınde qala aumaǧynda 10 densaulyq saqtau nysany boiynşa qūrylys jūmystary jürgızılude. Atap aitqanda, Qūramys, Şūǧyla, Altai-1, Aqjar şaǧyn audandarynda jäne Aiteke bi köşesınde 5 jaŋa emhananyŋ qūrylysy jüzege asyryluda.
Sonymen qatar №7 qalalyq klinikalyq auruhanany jaŋǧyrtu, №1 jäne №2 perzenthanalardy qaita jaŋartu, Alatau qalalyq emhanasyn damytu, sondai-aq №2 qalalyq balalar klinikalyq auruhanasyna qosymşa ǧimarat salu jūmystary jalǧasuda.
Qala tūrǧyndaryna körsetıletın alǧaşqy medisinalyq kömektıŋ sapasyn arttyruǧa da erekşe nazar audaryluda. Osy baǧytta Saialy şaǧyn audanynda jäne Aibasov köşesınde auysymyna 200 adamdy qabyldaityn otbasylyq därıgerlık ambulatoriialardyŋ qūrylysy jürgızılıp jatyr.
Būdan bölek, №16 qalalyq emhanada kürdelı jöndeu, qalpyna keltıru jäne seismikalyq küşeitu jūmystary qolǧa alyndy.
Jaŋa medisinalyq nysandardyŋ qūrylysy men qoldanystaǧy ūiymdardy jaŋǧyrtu tūrǧyndarǧa medisinalyq qyzmetterdıŋ qoljetımdılıgın arttyryp, qalanyŋ densaulyq saqtau jüiesın zamanaui talaptarǧa sai damytuǧa mümkındık beredı.
