Türkıstan oblysynda ötken toilardyŋ bırınde dästürlı toi formatyn synǧa alyp, öner ielerın «şaitannyŋ azanşysy» dep ataǧan er adamǧa qatysty qylmystyq ıs qozǧaldy, dep habarlaidy «Adyrna» tılşısı.
Işkı ıster ministrlıgı er adamnyŋ sözderınde dıni jäne äleumettık alauyzdyqty qozdyru belgılerı baiqalǧandyqtan, qylmystyq ıs qozǧalǧanyn mälımdedı.
«Adamnyŋ ar-namysyn qorlauǧa, dıni, äleumettık nemese özge de belgılerı boiynşa kemsıtuge baǧyttalǧan kez kelgen jariia ündeuler, sondai-aq qoǧamdyq kelısım men bırlıkke nūqsan keltıruı mümkın äreketterge jol berılmeidı», – dep mälımdedı IIM.
Ministrlık ökılderı söz bostandyǧy zaŋ talaptaryn būzuǧa qūqyq bermeitının atap ötıp, mūndai mälımdemelerdıŋ barlyǧyna qūqyqtyq tūrǧydan tiıstı baǧa berıletının jetkızdı.
Eske salaiyq, Türkıstan oblysyndaǧy toidan tüsırılgen video äleumettık jelılerde ülken rezonans tudyrǧan bolatyn. Jetısaidaǧy toida qalyŋdyqtyŋ tuysy qonaqtardy muzykadan bas tartuǧa jäne erler men äielderdı bölek otyrǧyzuǧa şaqyrǧan.
Būǧan deiın būl jaǧdaiǧa Prezident äkımşılıgı basşysynyŋ bırınşı orynbasary Erlan Qarin men QMDB ökılderı de pıkır bıldırgen edı.
