Türkıstan oblysy, Sozaq audany, Taukent qalaşyǧynyŋ äkımı Serık Mamanov kämelettık jasqa tolmaǧan balalardy jinap alyp, şymkenttık imam Jarqyn Myrzataidyŋ uaǧyzyn tyŋdatqyzǧan. Türkıstan oblysynyŋ Qoǧamdyq damu basqarmasy kent äkımı Serık Mamanovtyŋ osy ıs-äreketın aqtap otyr, - dep habarlaidy "Adyrna" ūlttyq portalynyŋ tılşısı.
Serık Mamanovtyŋ bastamasymen öttı delıngen uaǧyzdy jürgızgen imam Jarqyn Myrzatai jetkınşekterdı ata-anasyna qarsy qoiatyn "Qūdaidyŋ paryzynyŋ aldynda äke-şeşeŋ demalady", "Ata-anadan namaz oqu, oramal taǧu üşın sūranbasa da bolady" degen äigılı sözderımen tanymal.
Būl video “Adyrna” ūlttyq portalynyŋ äleumettık jelıdegı paraqşalarynda da jariialanǧan edı.
Sol beinejazbaǧa qatysty Türkıstan oblystyq Qoǧamdyq basqarmasynan tömendegı sūraqtarǧa jauap berudı sūraǧanbyz.
1. Memlekettık qyzmetkerdıŋ, iaǧni äkımnıŋ kämelettık jasqa tolmaǧan jastardy jinap, uaǧyz tyŋdatuy qanşalyqty zaŋdy?
2. İdeologiialyq tūrǧyda äkımnıŋ kämelettık jasqa tolmaǧan balalardy jinap aluǧa, olarǧa dıni uaǧyz aitqyzuǧa qūqy bar ma? Būl onyŋ äkımdık mındetıne kıre me?
3. İmam jas jetkınşekterge: «ata-anadan namaz oqu üşın, oramal taǧu üşın sūranbasa bolady» dep uaǧyz aitady. Būl jastardy ata-anaǧa qarsy qoiu emes pe?
4. Qazaqstan – zaiyrly memleket. Sol zaiyrly memlekettıŋ memlekettık qyzmetkerınıŋ dın ısıne qol sūǧuyna Türkıstan oblysynyŋ Qoǧamdyq damu basqarmasy qandai baǧa beredı?
Būl sūraqtarǧa oblystyq Qoǧamdyq damu basqarmasy bylai jauap bergen. Qaraŋyz:
"2023 jylǧy 18 tamyz künı Jarqyn Myrzatai esımdı uaǧyzşy Sozaq audanynyŋ Taukent kentıne kelıp, «Aq bosaǧa» dämhanasynda jastarmen kezdesu ötkızgen. Kezdesudı «Jynys ata» meşıtınıŋ imamy N.Myrzabekov bastaǧan dıni jamaǧat ūiymdastyrǧan.
Sozaq audanynyŋ Taukent kentı äkımı S.Mamanovtyŋ ıs-äreketınde memlekettık qyzmetşılerdıŋ qyzmettık ädep qaǧidalaryna säikes, Sozaq audany äkımı apparatynyŋ basşysy ädep jönındegı uäkılı tarapynan 21.08.2023 jyly qyzmettık tekseru jürgızıldı jäne Qazaqstan Respublikasy memlekettık qyzmetşılerınıŋ Ädep kodeksınıŋ normalaryn saqtau jäne būzuşylyqtardyŋ aldyn alu boiynşa otyrys ötkızıldı.
Mäjılıste Taukent kenttınıŋ äkımı S.Mamanovtyŋ mäselesı qaraldy. Nätijesınde atalǧan kezdesudı «Taukent kentı äkımı apparaty» memlekettık mekemesı ūiymdastyrmaǧan jäne S.Mamanov kenttıŋ jastary men balalaryn dıni uaǧyz tyŋdauǧa şaqyrmaǧan.
Ūiymdastyruşylardyŋ şaqyrtuymen baryp, atalǧan kenttıŋ tūrǧyny retınde qatysqan. Sondai-aq, 2023 jyldyŋ 01 tamyzynan bastap 06 qyrküiek aralyǧynda kent äkımı S.Mamanov kezektı eŋbek demalysynda bolǧany anyqtaldy.
Taukent kentı äkımı S.Mamanov tarapynan QR «Qazaqstan Respublikasynyŋ memlekettık qyzmetı turaly» Zaŋynyŋ, Ädep kodeksınıŋ talaptary būzylmaǧandyǧy anyqtalyp, aldaǧy uaqytta zaŋ talaptaryn qataŋ saqtau boiynşa tüsındırıldı" delıngen.
Jauaptan aŋǧarǧanymyz Taukent qalasynyŋ äkımı Serık Mamanov 1-tamyz ben 6-qyrküiek künı arasynda eŋbek demalysynda bolypty. Bıraq, audannyŋ äleumettık jelıdegı paraqşalarynan aitylǧan merzım aralyǧynda äkımnıŋ eŋbek demalysynda bolmaǧanyn, kündelıktı jūmysynda jürgenın baiqadyq.
Mysaly, 10 tamyz künı Taukent kentınıŋ äkımı tūrǧyndarmen kezdesıp, jūrt aldynda esep bergen. Qaraŋyz:
Türkıstan oblysynyŋ Qoǧamdyq damu basqarmasy bır ötırıktı jabu üşın ekınşı ötırıktı aityp otyrǧan joq pa? Endıgı qoiylar saual osy...
Qanat Bırlıkūly
Adyrna ūlttyq portaly
