2031 jylǧa deiın memleketke zaŋsyz jolmen alynǧan 2 mlrd dollarlyq mülık qaitaryluy tiıs. Būl turaly Armeniia premer-ministrı Nikol Paşinian ükımet otyrysynda mälımdedı, dep habarlaidy «Adyrna» tılşısı Caliber.Az agenttıgıne sılteme jasap.
Onyŋ aituynşa, zaŋsyz alynǧan aqşa qarajaty men jyljymaityn mülıktı tärkıleuge qatysty qūqyqtyq tetıkterdıŋ tolyqqandy ıske qosyluyna bailanysty būl maqsatqa qol jetkızu mümkındıgı artyp keledı. Atalǧan tetıkter şamamen segız jyl boiy, 2025 jyldyŋ soŋyna deiın qalyptasu kezeŋınde bolǧan.
«Būl aralyqta Konstitusiialyq sottyŋ tiıstı şeşımı men bırqatar qūqyqtyq akt qabyldandy. Endı olar küşıne enıp, jūmys ıstei bastady. Sondyqtan 2031 jylǧa deiın körsetılgen nätijege qol jetkızu qajet»,–dedı Paşinian.
Premer-ministr būl maqsattardyŋ 2026–2031 jyldarǧa arnalǧan ükımet baǧdarlamasynda da bekıtılgenın aitty. Atalǧan baǧdarlama bır kün būryn premer-ministrdıŋ qatysuymen talqylanǧan edı.
