Abai oblysynyŋ Abai audany aumaǧyndaǧy Orda tauynyŋ şyǧys betkeiınde ornalasqan erte temır däuırıne jatatyn Orda qonysynda arheologiialyq qazba jūmystary jürgızıldı, dep habarlaidy "Adyrna" tılşısı.
«Ä.H. Marǧūlan atyndaǧy Arheologiia instituty» deregınşe, zertteu jūmystary ǧylym jäne joǧary bılım ministrlıgı Ǧylym komitetınıŋ BR24992916 «Abai oblysyn keşendı tarihi-arheologiialyq zertteu» baǧdarlamalyq-nysanaly qarjylandyru jobasy aiasynda jüzege asyryldy. Arheologtar qazba barysynda jalpy aumaǧy 108 şarşy metrdı qamtityn bır tūrǧyn üi qūrylysyn zerttedı. Nätijesınde tūrǧyn üidıŋ qabyrǧalary ırı kölemdı tastardan qalanǧany anyqtaldy. Sondai-aq üidıŋ oŋtüstık-şyǧys bölıgınen sopaqşa pışındı tas oşaq tabyldy. Oşaq maŋynan ejelgı mädeni daqyldardyŋ qaldyqtaryn anyqtau maqsatynda arheobotanikalyq taldau jasauǧa arnalǧan topyraq ülgılerı alyndy.
Qazba jūmystary kezınde 97 tas qūral, 104 qyş ydystyŋ synyǧy jäne januarlardyŋ süiek qaldyqtary tabyldy. Mamandardyŋ aituynşa, būl oljalar ejelgı tūrǧyndardyŋ şaruaşylyǧy men tūrmys-tırşılıgın jan-jaqty zertteuge mümkındık beredı. Zertteu nätijelerı Orda qonysynyŋ tabiǧi-geografiialyq ornalasuy, tūrǧyn üi qūrylysynyŋ erekşelıkterı jäne tabylǧan arheologiialyq jädıgerler onyŋ Saryarqa öŋırındegı erte temır däuırınde ūzaq uaqyt boiy tūraqty qonystanǧan ırı eldı mekenderdıŋ bırı bolǧanyn körsetedı.
