Almatydaǧy belgılı qylmystyq ıster boiynşa sottalǧan Gülmira Satybaldyǧa qatysty kezektı qylmystyq ıs boiynşa ükım şyqty, dep habarlaidy “Adyrna” ūlttyq portaly.
«Kozachkov offside» Telegram arnasynyŋ mälımetınşe,
Astana qalasynyŋ qylmystyq ıster jönındegı audanaralyq sotynda 56 jastaǧy Gülmira Satybaldyǧa qatysty törtınşı qylmystyq ıs qaraldy. Sot ony taǧylǧan aiyptardyŋ barlyǧy boiynşa kınälı dep tanydy.
Būl ıs Satybaldynyŋ marqūm äpkesınıŋ būrynǧy küieuı Abai Jünısovke qatysty äreketterıne bailanysty qozǧalǧan. Sot materialdaryna säikes, Satybaldy men Jünısov būǧan deiın käsıpkerlıkpen ainalysyp, Almatydaǧy «Vostochka» tūrǧyn üi keşenın salǧan. Jobany jüzege asyru kezınde memlekettık qarjy da tartylǧan.
Is materialdarynda keiın Abai Jünısovtıŋ bırqatar qūjattarǧa qol qoiuǧa jäne kompaniialardaǧy ülesterın Satybaldynyŋ adamdaryna beruge mäjbür bolǧany körsetılgen. Nätijesınde tūrǧyn üi keşenındegı nysandar satylyp, onyŋ «VTB Bankı» aldyndaǧy bereşegı 8 milliard teŋgeden asqan.
Sotta Jünısov qūjattardy qysym jaǧdaiynda räsımdegenın mälımdedı. Onyŋ aituynşa, ol bırneşe ai boiy Gülmira Satybaldynyŋ üiınıŋ jertölesınde ūstalǧan.
Al Satybaldy özıne taǧylǧan aiyptardy moiyndamady. Ol aiyptau aktısındegı keibır tūjyrymdardyŋ özıne tüsınıksız ekenın aityp, Jünısovtıŋ bank aldyndaǧy qaryzynyŋ qalyptasuyna qatysy joq ekenın aitty.
Sot ükımımen Gülmira Satybaldy kınälı dep tanyldy. Alaida oǧan būryn taǧaiyndalǧan 12 jyl bas bostandyǧynan aiyru jazasy özgerıssız qaldy.
Sonymen qatar sot Abai Jünısovke keltırılgen materialdyq şyǧyndy öteu üşın Satybaldydan 8 milliard teŋgeden astam qarjy öndırıp alu turaly şeşım şyǧardy.
Gülmira Satybaldy alǧaş ret 2023 jyly sottalǧan. Bırınşı ıs boiynşa ol öz betınşe bilık etu jäne adam ūrlau baptary boiynşa kınälı dep tanylǧan. Keiın oǧan bötennıŋ mülkın iemdenu jäne ysyrap etu boiynşa taǧy bır ükım şyqqan. Ekı ıstıŋ jiyntyǧy boiynşa onyŋ jazasy 8 jyldy qūraǧan.
2024 jyly Satybaldyǧa qatysty taǧy bır qylmystyq ıs qaralyp, oǧan bopsalau jäne zaŋsyz bas bostandyǧynan aiyru boiynşa aiyp taǧyldy. Ükımder jiyntyǧy boiynşa onyŋ jalpy jazasy 12 jylǧa deiın ūzartylǧan.
Sottyŋ būl jolǧy ükımı äzırge zaŋdy küşıne engen joq.
