Şymkentte 21 jastaǧy Nūraidyŋ ölımıne qatysty 11 tamyzda ötken sot otyrysynda memlekettık aiyptauşy sottaluşy Şerhan Aimahandy ömır boiyna bas bostandyǧynan aiyrudy sūrady, dep habarlaidy "Adyrna" tılşısı.
28 jastaǧy Şerhan Aimahanǧa Qazaqstan Respublikasy Qylmystyq kodeksınıŋ üş baby boiynşa aiyp taǧylǧan. Prokuror Madiiar Äbılqasymov jaryssöz barysynda ärbır epizod boiynşa jaza taǧaiyndaudy sūrady.
Atap aitqanda, Qylmystyq kodekstıŋ 99-baby 2-bölıgınıŋ 5-tarmaǧy, iaǧni asa qatygezdıkpen adam öltıru boiynşa ömır boiyna bas bostandyǧynan aiyru jazasy sūraldy. 125-1-baptaǧy nekege tūruǧa mäjbürleu boiynşa ekı jylǧa bas bostandyǧynan aiyru, al 115-1-baptaǧy stalking boiynşa 200 saǧat qoǧamdyq jūmys taǧaiyndau ūsynyldy.
Memlekettık aiyptauşy ömır boiyna bas bostandyǧynan aiyru jazasyn tötenşe qauıpsızdık mekemesınde öteudı sūrady. Sondai-aq sottaluşyǧa qatysty qamauda ūstau türındegı būltartpau şarasyn özgerıssız qaldyrudy ötındı. Sotta Şerhan Aimahan taǧylǧan aiyptardyŋ bır bölıgın moiyndamaitynyn aitqan. Onyŋ sözınşe, Nūraimen qarym-qatynasta bolǧan jäne oǧan üilenuge ūsynys jasaǧan. Qaiǧyly oqiǧa bolǧan künı ol qyzben kezdesıp, qarym-qatynasty toqtatpaq bolǧanyn aitty.
Sottaluşynyŋ nūsqasy boiynşa, janjal kezınde Nūrai oǧan bırınşı bolyp pyşaq qoldanǧan. Aimahan sol sätte affekt jaǧdaiynda bolǧanyn jäne qyzǧa ölımge äkelgen jaraqattardy qalai salǧanyn esınde joq ekenın aitqan. Sonymen qatar ol 2019 jyly alǧan bas jaraqatynan keiın psihikalyq auytquy bolǧanyn habarlady.
Is materialdaryna säikes, tergeu barysynda būǧan deiın de bırqatar epizod anyqtalǧan. 2025 jyldyŋ küzınde sottaluşy Nūraidy Almatyda alyp ketıp, nekege tūruǧa mäjbürleu maqsatynda Türkıstan oblysyndaǧy tuystarynyŋ üiıne aparǧany aitylǧan. Keiın qyzdyŋ tuystary polisiianyŋ kömegımen ony üiıne qaitarǧan. Odan keiın er adam Nūraidy aŋdyp, bırneşe kün ışınde oǧan 154-ten astam ret qoŋyrau şalǧany jäne onyŋ Almatydaǧy üiınıŋ maŋynda jürgenı tergeu materialdarynda körsetılgen.
2026 jylǧy 11 qaŋtarda Şymkentte Nūrai Serıkbaidyŋ ata-anasynyŋ üiı maŋynda oǧan pyşaq jaraqattary salynǧan. Qyz alǧan jaraqattarynan oqiǧa ornynda qaza tapty. Küdıktı ekı künnen keiın ūstalǧan.
