Daniianyŋ Orhus qalasyndaǧy saiabaqta jergılıktı Radio4 radiostansiiasynyŋ jarnamalyq nauqany aiasynda ornatylǧan Resei prezidentı Vladimir Putinnıŋ biustı qoiylǧannan keiın bırneşe saǧat ötpei jatyp bülıngen. Būl turaly eldıŋ TV2 telearnasy aitty, dep habarlaidy «Adyrna» tılşısı.
Biıktıgı şamamen ekı metr bolatyn müsın apta basynda qalalyq saiabaqqa qoiylǧan. Alaida ornatylǧannan keiın şamamen alty saǧat ötken soŋ biustıŋ basy joq ekenı anyqtalǧan. Belgısız adamdar müsınnıŋ basyn kesıp alyp, özderımen bırge alyp ketken.
Keiın müsınnıŋ qalǧan bölıgı men tūǧyryn Orhus munisipalitetınıŋ qyzmetkerı tauyp, radiostansiia ökılderıne tapsyrǧan.
Radio4 radiostansiiasy joǧalǧan bölıktıŋ qaida ekenın anyqtauǧa tyrysyp jatqanyn mälımdep, oqiǧaǧa qatysty qandai da bır aqparat bıletın tūrǧyndardy habarlasuǧa şaqyrdy.
Ūiymdastyruşylardyŋ pıkırınşe, Putin biustı älemdegı eŋ yqpaldy ärı eŋ köp talqylanatyn tūlǧalarǧa arnalǧan joba aiasynda qoiylǧan.
