Almaty oblysynyŋ Ile audanynda «Kusto Logistics» kompaniiasynyŋ ırı kölık-logistikalyq ortalyǧy ıske qosyldy. Mūnda jükterdı qabyldau, saqtau, öŋdeu jäne tasymaldau qyzmetı atqarylady. 26,5 gektardan astam aumaqta temırjol, konteinerler alaŋy, ekı qoima, jük tieu-tüsıru oryndary, avtomobil logistikasy men basqaru ortalyǧyn bırıktırgen zamanaui multimodaldy keşen qūryldy. Jylyna 100 myŋ konteiner jüktı öŋdeuge quaty jetedı. Qazırgı uaqytta 100 jaŋa jūmys ornyn aşu josparlanǧan. Jobaǧa 28,1 mlrd teŋge investisiia tartyldy, – dep habarlaidy Almaty oblysy äkımınıŋ baspasöz qyzmetı.
Nysannyŋ saltanatty aşylu räsımıne Almaty oblysynyŋ äkımı Marat Sūltanǧaziev, Kusto Group kompaniiasynyŋ teŋ qūryltaişysy ärı aksionerı Qanat Köpbaev, jobaǧa qatysqan kompaniialardyŋ ökılderı men mamandar qatysty.
Marat Eleusızūly logistikalyq ortalyq tūrǧyndardy jūmyspen qamtuǧa, şaǧyn jäne orta biznestıŋ damuyna, salyq bazasynyŋ ūlǧaiuyna jäne oblys ekonomikasynyŋ ösımıne oŋ äserın tigızetın maŋyzdy nysan ekenın atap öttı.
«Memleket basşysy Qasym-Jomart Toqaev öŋırlerdıŋ tūraqty damuyn qamtamasyz etu, investisiia tartu, öndırıs kölemın ūlǧaitu, kölık-logistika infraqūrylymyn damytu jäne halyqty tūraqty jūmyspen qamtu mındetterın Ükımet pen äkımdıkterdıŋ aldyna naqty qoiyp keledı. Osy baǧytta Almaty oblysynda auqymdy jūmystar jürgızılude. Bügın paidalanuǧa berılıp otyrǧan keşen elımızdıŋ kölık-logistikalyq äleuetın arttyruǧa septıgın tigızedı dep kütılude. Bügınde Ile audanynyŋ tiımdı geografiialyq ornalasuy, kölık dälızderıne jaqyndyǧy jäne injenerlık infraqūrylymynyŋ damuy investorlar üşın qolaily jaǧdai qalyptastyruda. Almaty oblysynyŋ äkımdıgı būl baǧyttaǧy jūmystardy aldaǧy uaqytta da jalǧastyra beredı. Ärbır jüzege asqan joba – öŋırdıŋ äleumettık-ekonomikalyq damuyna, halyqtyŋ äl-auqatynyŋ artuyna jäne elımızdıŋ bäsekege qabılettılıgın nyǧaituǧa qosylǧan igı üles bolmaq», – dedı aimaq basşysy.
«Kusto Group»-tyŋ qūryltaişysy jäne aksionerı Qanat Köpbaevtyŋ aituynşa, kompaniianyŋ qūrylǧanyna biyl nebärı üş jyl bolǧan. Soǧan qaramastan, ülken jetıstıkterge qol jetkızıp ülgergen.
«Qazaqstandaǧy konteinerlerdıŋ şamamen 80 paiyzy Almaty kölık toraby arqyly ötedı. Al jükterdıŋ edäuır bölıgı Qazaqstannyŋ soltüstık öŋırlerınen keledı. Būl terminal elımızdıŋ soltüstıgı men oŋtüstıgın bailanystyratyn ortalyq bolmaq. Iаǧni Almaty oblysy arqyly import jäne eksport jükterı özge öŋırler men körşı memleketterge jöneltıledı.
Soŋǧy jyldary Memleket basşysynyŋ jäne Ükımettıŋ qoldauynyŋ arqasynda tranzit salasy qarqyndy damyp keledı.
Qazaqstan – Aziia men Europany bailanystyratyn tabiǧi köpır. Eger būl mümkındıktı tolyq paidalanatyn bolsaq, tranzit el ekonomikasyna mūnaidan da köp tabys äkeluı mümkın», – dedı Qanat Şoqanūly.
Is-şara barysynda qonaqtarǧa ortalyqtyŋ jūmysy tanystyrylyp, alǧaşqy konteinerlık poiyz jolǧa şyqty. Osylaişa terminal alǧaşqy jūmysyn bastady.
Logistikalyq ortalyqta 45 tonna jüktı kötere alatyn arnaiy kran ornatylǧan. Ol saǧatyna 25 konteinerdı qabyldai alady. Aiyna 111 myŋ tonnadan astam jüktı öŋdeuge qauqarly. Qazırgı taŋda keşende astyq terminalynyŋ qūrylysy bastalǧan. Būl jūmystar aiaqtalǧan soŋ 14 myŋ tonna auyl şaruaşylyǧy önımın saqtauǧa mümkındık tuady. Joba qūrylysyn EPC täsılımen Coteccons KZ kompaniiasy jüzege asyrdy.
Jaŋa terminal Almaty oblysyndaǧy jük tasymaldau mümkındıgın keŋeitıp, tauardy qabyldau, saqtau jäne ärı qarai jöneltu jūmysyn jeŋıldetuge mümkındık beredı. Sondai-aq elımızdıŋ sauda bailanysyn damytuǧa, käsıpkerler üşın tasymal üderısın tiımdı ūiymdastyruǧa oŋ yqpal etpek.
