Foto: olympic.kz
Budapeştte ötıp jatqan ärtıstık jüzuden jasöspırımder arasyndaǧy älem chempionatynda Qazaqstan qūramasy kezektı jüldesıne qol jetkızdı, dep habarlaidy "Adyrna".
Ūlttyq olimpiada komitetınıŋ mälımetınşe, qazaqstandyq sportşylar akrobatikalyq baǧdarlamada kümıs medal ielendı. Qūrama töreşılerden 203,0926 ūpai jinap, jarystyŋ ekınşı satysyna köterıldı.
Qazaqstan namysyn būl bäsekede Iаsmina İslamova, Daiana Djamanchalova, Sofiia İchşenko, Maqpal Qalmūrza, Polina Merzliakova, Aldiiar Ramazanov, Aiǧanym Saim, Anastasiia Voronkova, Tahmina Zairova jäne Salima Aqylbek qorǧady.
Altyn jülde 232,2147 ūpai enşılegen Resei qūramasyna būiyrsa, Belarus sportşylary 200,9777 ūpaimen üşınşı oryn aldy.
Osy nätijeden keiın Qazaqstan qūramasynyŋ chempionattaǧy jülde sany üşke jettı. Būǧan deiın Viktor Druzin qola medal jeŋıp alsa, Iаsmina İslamova men Aldiiar Ramazanov kümıs jüldege qol jetkızgen edı.
El tarihyndaǧy alǧaşqy medal. Ruslan Kurbanov semserlesuden älem chempionatynda qola jüldeger atandy
