Pavlodarda «Azamattarǧa arnalǧan ükımet» memlekettık korporasiiasy oblystyq filialy basşysynyŋ būrynǧy mındetın atqaruşy men almatylyq käsıpkerge qatysty sot ükımı şyqty, dep habarlaidy "Adyrna" ūlttyq portaly.
Is Pavlodar qalasynyŋ qylmystyq ıster jönındegı audanaralyq sotynda qaraldy. Sot materialdaryna säikes, oqiǧa 2025 jylǧy jeltoqsanda bolǧan. Almatylyq käsıpker jer uchaskelerınıŋ kadastrlyq qūjattaryn jedel tırkep, ondaǧy arnaiy belgını alyp tastau mäselesı boiynşa filial basşysynyŋ mındetın atqaruşyǧa jügıngen. Lauazymdy tūlǧa qajettı qyzmettı körsetken. Alaida onyŋ qyzmettı tez arada oryndaǧany üşın syiaqy kütetının tūspaldaǧany anyqtalǧan.
Keiın käsıpker şeneunıktıŋ qyzmettık kabinetıne baryp, onyŋ jūmys üstelıne parfiumeriialyq dükennıŋ 50 myŋ teŋgelık syilyq sertifikatyn qaldyrǧan. Sotta memlekettık korporasiia filialy basşysynyŋ būrynǧy mındetın atqaruşy para alǧany, al käsıpker para bergenı üşın jauapqa tartyldy. Ekı sottaluşy da taǧylǧan aiypty tolyq moiyndady.
Sot ükımımen būrynǧy lauazymdy tūlǧaǧa 1 million 250 myŋ teŋge aiyppūl, al käsıpkerge 750 myŋ teŋge aiyppūl salyndy.
