Tekelı qalasyndaǧy eŋ ūzyn D.Qonaev köşesınde 23 tamyzda ötetın Qūryltai deputattaryn sailaudy qoldau maqsatynda būqaralyq jügıru ūiymdastyryldy. Salauatty ömır saltyn nasihattap, tūrǧyndardy belsendı qozǧalysqa şaqyrǧan ıs-şaraǧa qala tūrǧyndary, jastar, sportsüier qauym qatysty.
Jappai jügıruge qatysuşylar D.Qonaev köşesındegı temırjol ötkelınen bastap, baqylau alaŋyna deiıngı 2,5 şaqyrym joldy jügırıp öttı. Sporttyq şara qala tūrǧyndaryna köterıŋkı köŋıl-küi syilap, densaulyqqa paidaly ädettı qalyptastyrudyŋ maŋyzyn taǧy bır märte aiqyndady.
Jappai jügıruge qatysqandardyŋ eŋ ülkenı 55 jastaǧy qalalyq Mädeniet üiınıŋ ädıskerlı Farida Köpeldesova bolsa, eŋ kışısı 12 jastaǧy jas ören. Jügıruge qatysuşylar märe syzyǧyn kesıp ötkennen keiın Tekelı qalasy ışkı saiasat bölımınıŋ basşysy Nūrjamal Şohanova men «Jetısu oblysynyŋ būqaralyq sportty damytu jäne sporttyq ıs-şaralardy ötkızu sport kluby» KMM Tekelı qalalyq filialynyŋ basşysy Ǧalymjan Süleimenov köpşılıkke jyly lebızderın jetkızıp, aldyŋǧy qatardan körıngen belsendılerdı marapattap, estelık syilyqtar tabys ettı.
«Şapaǧat» Tekelı arnauly äleumettık kömek körsetu ortalyǧynyŋ qyzmetkerı Erlan Kökeev jügırudıŋ adam densaulyǧyna ǧana emes, qoǧam belsendılıgıne de oŋ yqpal etetının atap öttı.
– Men salauatty ömır saltyn qoldaimyn. Sondyqtan jügıru marafonyna qūlşynyspen qatystym. Aramyzda jastardyŋ köp bolǧany quantty. Jastar da, ülkender de densaulyǧy myqty boluy kerek. Sonda elge paida tigızetın ıs jasai alady. Jalpy qoǧamdyq ıs-şaralarǧa belsene qatysu kerek. Aldymyzda elımızdıŋ damuyndaǧy jaŋa kezeŋ – Qūryltai deputattaryn sailau tūr. Oǧan da bır kısıdei qatysyp, azamattyq taŋdauymyzdy jasaǧanymyz jön, – dedı ol.
Denı sau ūlt el damuynyŋ özegı ekenı ras. Al qoǧamdyq ömırge belsendı aralasu – azamattyŋ el aldyndaǧy jauapkerşılıgın sezınudıŋ körınısı. Sporttyq ıs-şarada bas qosqan qala tūrǧyndarynyŋ belsendılıgı de osyny aŋǧartty.
13 jastaǧy Iýlia Chuchakina:
– Men jügıru jarysyna aǧammen bırge keldım. №1 orta mektebınıŋ 8-synybynda oqimyn. Sportqa janym qūmar. Karate üiırmesıne qatysamyn. Osyndai būqaralyq ıs-şaralarǧa qatysyp, ülkenderden üirenerım köp, – dep pıkır bıldırdı.
Tekeldı jappai jügıru ıs-şarasy ötetının äleumettık jelıden körıp, Aqsu audanyndaǧy Arasan auylynan bes jas sportşy kelıp qatysty. Olardyŋ eŋ kışısı 12 jastaǧy Bıregei Qūmar:
– Bızdı jeŋıl atletikadan jattyqtyratyn aǧaiymyz alyp keldı. Özı de jarysqa qatysty. Men märe syzyǧyn törtınşı bolyp kesıp, syilyqqa ie boldym. Tekelıdegı eŋ ūzyn D.Qonaev köşesınıŋ boiymen jügırıp kele jatyp, keudemdı maqtanyş kernedı. Tuǧan jerımızdıŋ osyndai tamaşa jerlerın körıp, tanyp, keleşekte elımızdıŋ märtebesın biıktetuge küş saluymyz kerek, – dep äserımen bölıstı.
Däl osyndai salauatty ömır saltyn, belsendı azamattyq ūstanymdy jäne qoǧamdyq bırlıktı nasihattaityn igı bastama qala tūrǧyndaryn ortaq ıske jūmyluǧa jäne el ömırındegı maŋyzdy mäselelerge beijai qaramauǧa ündeidı.
Torǧyn TŪRLYBAEVA
