Qazaqstannyŋ äielder arasyndaǧy jekelei syndaǧy bırınşı raketkasy Elena Rybakina Sinsinnatide ötıp jatqan WTA 1000 sanatyndaǧy hard turnirınde kezektı jeŋısıne qol jetkızdı. Būl turaly Qazaqstan tennis federasiiasy jazdy, dep habarlaidy «Adyrna» tılşısı.
Älemdık reitingte ekınşı orynda tūrǧan qazaqstandyq tennisşı törtınşı ainalymda düniejüzılık reitingtıŋ 14-satysyndaǧy reseilık Diana Şnaidermen kezdestı.
Aua raiy jaǧdaiyna bailanysty matchtyŋ bastaluy keiınge şegerıldı. Nätijesınde kezdesu ekı setke sozylyp, Rybakinanyŋ 6:4, 6:4 esebımen jeŋısımen aiaqtaldy.
Tennisşıler kortta 1 saǧat 27 minut ötkızdı. Osy uaqyt ışınde qazaqstandyq sportşy segız eis jasap, tört qos qatelıkke jol berdı jäne üş breik-pointtyŋ ekeuın sättı paidalandy. Sonymen qatar Rybakina match barysynda öz geimın bırde-bır ret qarsylasyna bermedı.
Şirek finalda Rybakina älemnıŋ besınşı raketkasy, polşalyq İga Şviontekpen kezdesedı. Ötken aptada tennisşıler Kanadadaǧy Toronto qalasynda ötken aldyŋǧy WTA 1000 turnirınıŋ finalynda özara oinaǧan bolatyn. Ol kezdesude qazaqstandyq tennisşı 2:6, 3:6 esebımen jeŋılıs tapty.
