Astanada balalardy İspaniiada ötetın halyqaralyq futbol turnirıne aparuǧa uäde berıp, toǧyz otbasynan 24 mln teŋgeden astam qarajat alǧan azamat sottaldy, dep habarlaidy "Adyrna".
Sot materialdaryna säikes, ol ata-analarǧa jas futbolşylardy jarysqa «bärı qamtylǧan» jüiesı boiynşa jıberetının aitqan. Osy maqsatta turnirge qatysu, äue biletterı, viza räsımdeu, balalardy süiemeldeu jäne sporttyq kiımder üşın aqşa jinaǧan.
Alaida sottalǧan azamat jinalǧan qarajatty sapardy ūiymdastyruǧa jūmsamai, jeke qajetıne paidalanǧan. Sonyŋ saldarynan toǧyz otbasy materialdyq şyǧynǧa ūşyraǧan.
Sot ükımımen azamat üş jyl ekı aiǧa bas bostandyǧynan aiyryldy. Sonymen qatar oǧan jäbırlenuşılerge keltırılgen materialdyq şyǧyndy öteu mındetı jükteldı.
Astana prokuraturasy ata-analarǧa balalaryn şeteldegı sporttyq jarystarǧa jıbermes būryn ūiymdastyruşylardyŋ ökılettıgın mūqiiat tekseruge keŋes berdı. Atap aitqanda, jarysqa resmi şaqyrudyŋ, kelısımşarttardyŋ, äue biletterı men bron rastamalarynyŋ bar-joǧyna köz jetkızu qajet.
